Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 13

Jakob ni Esau Achirisha Chisambu

Jakob ni Esau Achirisha Chisambu

Yehova wamukana Jakob anch ukumuchidij mudi mwamuchidijay Aburaham ni Isak. Jakob washakama mu ul utazukinau anch Haran, kwinikwa kwawiy kwatenay, wikala ni dijuku dijim, ni wikala mpich nakash.

Kupwa Yehova wamuleja Jakob anch: ‘Chirik kwey mwi ngand yey.’ Chawiy Jakob ni dijuku diend asala weny ulemp mulong wa kuchirik. Padingau mwi njil, antu amwing eza kumulej Jakob anch: ‘Mwanamakwey Esau wezin ni antu 400!’ Jakob wova wom anch Esau ukimbin kumusal nayimp ni dijuku diend. Wamulembila Yehova anch: ‘Nilemb amboku mpandishaku mu makas mwa mwanamakwam.’ Mu kwacha Jakob wamupanina Esau amikoku, ampemb, angomb, atumel, ni ayimbur.

Uchuku winiwa padingay Jakob amwinend wamumana kamu mwangel! Asambisha kutend ni mwangel. Arisha kushik ni pamanch. Ap anch Jakob wipusula pakwez kalikap. Mwangel wamuleja anch: ‘Nlikaku niya.’ Pakwez Jakob wamuleja anch: ‘Nikukulikapaku, ching wanyukish.’

Kupwa mwangel wamuyukisha Jakob. Chawiy Jakob wijika anch Yehova kafanyinap kumulik Esau amusala nayimp.

Pamanch pinipa, Jakob wamumana Esau ni antu 400 adi palemp. Jakob wasuta kurutu kwa dijuku diend ni wazengama kurutu kwa mwanamakwend tupamp sambwad. Esau waya mau  kudi Jakob ni wadjibula ut wend piswimp ni Jakob. Esau ni Jakob abwikatijana asambish kudil kupwa achirisha chisambu. Utongin nchik, mutapu ik wiyovay Yehova piur pa mutapu wapwishay Jakob mulong winou?

Kupwa, Esau wachirika kwol kwend, ni Jakob niyend wachirika kwol kwend. Jakob wading ukwet an amakundj 12. Majin mau mawiy am: Ruben, Simeyon, Levi, Yuda, Dan, Nefitali, Gad, Azer, Isakar, Zabulon, Josef, ni Benjamin. Umwing wa an inay—Josef—amusadina kudi Yehova mulong wa kupandish antu End. Wij mutapu ik? El twijik mutapu wamusadinay.

“Yikatany akankuny nen, yilembidilany akata kukuzengolany en. Mwamu ukez kwikalany an a Tatukwen udia mwiur.”—Mateu 5:44, 45