Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 7

Chimet cha Babel

Chimet cha Babel

Kupwa kwa Mabeb, an amakundj a Nowa ni akajau avala an avud. Majuku mau mavula, ni asambisha kupalangan mu jindond kushalijan pa divu, mudi mwayilejau kudi Yehova.

Pakwez majuku mamwing mamuziyinap Yehova. Alonda anch: ‘Ezany! tutungany musumb wetu, ni chimet chilemp chikushika kamu djat ni mwiur! Mulong twikala ni ntumb.’

 Yehova kasangarap mulong wa yom yasalau antu inay, chawiy wakwata mupak wa kuyikangesh. Wij yom ik yasalay? Wasala anch antu inay alond mazu kushalijan. Chad kateshijanap umwing ni mukwau chawiy imika kutung. Musumb wading utunginau aupila anch Babel, dijin dirumburikina anch “Kanrumbangesh.” Antu asambisha kupalangan ni kushakam pa divu diawonsu. Pakwez adandamena kusal yom yiyimp mu jindond jayau kushakam. Ov, kwading antu adandamena kumukat Yehova? Tukujingunin mu shapitre ulondwilaku ou.

‘Muntu mwawonsu ukata kwitutul amwinend, akez kumushikumwish, pakez muntu mwawonsu ukata kwikepish amwinend, akez kumuzambwish.’—Luka 18:14