Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 8

Aburaham ni Sara Amuziyina Nzamb

Aburaham ni Sara Amuziyina Nzamb

Piswimp ni musumb wa Babel kwading musumb umwing utazukinau anch Ur, mwinimwa mwading antu ifukwilang anzamb akwau pa ndond pa kumwifukwil Yehova. Pakwez mwading muntu umwing wamwifukwilang Yehova. Dijin diend Aburaham.

Yehova wamuleja Aburaham anch: ‘Diokal mwi ngand yey, ni kudi anamakwey, uya mwi ngand yinikukuleja.’ Nzamb wamukana anch: ‘Ukez kwikal muchid ujim, ni nikez kayisadin antu awonsu a pa mangand yom yiwamp mulong weyey.’

Aburaham kijikap ndond yamulejau kuya kushakam kudi Yehova, pakwez wamuchingejina Yehova. Chawiy Aburaham, Sara mukajend, tatukwend Tera, ni mwipwend Lot akasa mafund mau ni aziyina ni aya mu weny ulemp.

 Aburaham wading ni mivu 75 chisu chashikay ni dijuku diend mwi ngand yayikanau kudi Yehova. Ngand yiney ayitazuka anch ngand ya Kanaan. Kwinikwa Nzamb wambamba ni Aburaham ni wamukana anch: ‘Ngand yiney yawonsu umena ey nikez kuyipan kudi aney.’ Pakwez, Aburaham ni Sara ading amapal ni kadingap afanyidina kuval an. Chawiy, mutapu ik Yehova wawanyishay mazu minam?

‘Ku ritiy Aburaham waziyila. . . wadiokala kwol kwau ni waya mwi ngand yashilayimu Nzamb kumwinkish, waya wakad kwijik kwisu kuyilay.’—Hebereu 11:8