Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 4

Ujim Ushikijining Ku kujipan

Ujim Ushikijining Ku kujipan

Kupwa kwa kumwopat Adam ni Ev mu chir cha Eden, avala an avud. Mwanau wakusambish, Kain, wikala ndim, ni mwanau wa kaad, Abel, wikala kafung.

Dichuku dimwing, Kain ni Abel apana milambu kudi Yehova. Wij mulambu chom ik? Chidi chipan chipandakena kuwap. Yehova wasangera mulambu wa Abel, pakwez kasangerap mulambu wa Kain. Pamanay mwamu, Kain wajimana nakash. Yehova wamubabesha Kain anch ujim wend ukumushikij ku kusal chom chiyimp. Pakwez, Kain kateshap.

Chawiy, Kain wamuleja Abel anch: ‘Ez tuya ku chir.’ Padingau ayinau aad mu chir, Kain wamumatikina mwanamakwend ni wamujipa. Chom ik  chasalay Yehova pa mulong winou? Yehova wamupupa Kain mu kumwauril kulemp ni dijuku diend. Kain kelap kutwish kuchirik mu dijuku diau.

Chom ik twileja kal ku rusangu riner? Tukutwish kusambish kwov ujim anch yom yisadikinap mu mutapu tukatina. Anch ujim wapam mu muchim wetu—ap anch antu akwau atubabesh mulong amen ujim wetu—tufanyidin kuwapish ni kushinshikin mwikadil wetu kurutu utushikija ku kusal yom yiyimp.

Mulong Abel wading umukatin Yehova ni kusal yom yiwamp, Yehova ukudandamen kumuvurik. Nzamb ukez kamuvumbul Abel, Pakezay kukarumun divu kwikal paradis.

“Yang swa, [uteka chisambu] ni mwanamakwey, chad uchirik lel ni kupan yakupesh yey kudi Nzamb.”—Mateu 5:24