Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 5

Waat wa Nowa

Waat wa Nowa

Chisu chimwing, antu avulijana nakash pa mangand. Avud pakach pau ading antu ayimp. Ni angel amwing a mwiur ikala ayimp. Asha ndond yau mwiur ni eza pa divu. Wij mulong wak asala mwamu? Chakwel akarumuka kwikal antu ni ata amband.

Angel ni amband atau avala an. An inay apama, ikala ni usu ni ading ni dizaz. Ading kumeshan mar. Yehova kafanyinap kulik yom yiney yidandamen kusadik mwamu. Chawiy wakwata mupak wa kujip antu ayimp ku mabeb.

Pakwez kwading muntu umwing ushalijadina ni antu akwau. Wading umukatin Yehova. Dijin diend ndiy Nowa. Wading ukwet mband ni an asatu, Sem, Sham, ni Yafet, ni mwan ni mwan wading ni mukajend. Yehova wamuleja Nowa kusal waat ujim nakash, chakwel ndiy ni dijuku diend apanda ku Mabeb. Waat udi mushet ujim ukutwisha kupempam pa mem. Yehova wamuleja kand Nowa kwandjik annam mu waat chakwel niyau apanda.

Nowa wasambisha kusal waat pakad kulab. Mudimu winou ausala kudi Nowa ni dijuku diend mu mivu piswimp 50. Asala waat mudi kamu mwayilejau kudi Yehova kusal. Pa chisu chinicha, Nowa wayibabeshang antu mulong wa Mabeb. Pakwez kwikil muntu ap umwing wamutesha.

Kupwa, chisu cha kwandam mu waat chawanyina. El tushinshikin yom yashikena.

“Mudi mwading pa machuku ma Nowa, mwamu [mukeza] kikal kwez kwa Mwan a muntu.”—Mateu 24:37