Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 6

Antu Chinan Apanda ku Mabeb

Antu Chinan Apanda ku Mabeb

Nowa, dijuku diend, ni annam andama mu waat. Yehova wapata ku chis, ni ruval wasambisha kunak. Ruval wanaka nakash ni waat wasambisha kupempam. Pakemp pakemp, ngand ya kabuj yizwula ni mem. Antu awonsu alika kwandam mu waat, afa. Pakwez, Nowa ni dijuku diend apanda mukach mwa waat. Ukutwish kutongin pa musangar wovau mulong amuziyina Yehova?

Ruval wanaka uchuku ni muten mu machuku 40 kupwa wakatuka. Pakemp pakemp mem masambisha kuum. Kupwa waat wimana pa mikandu. Ndond yawonsu yading yizwil mem, chawiy Nowa ni dijuku diend kabudikap kapamp kamwing mu waat.

Mem mauma pakemp pakemp. Nowa ni dijuku diend asala muvu ni kusut mu waat. Kupwa, Yehova wayileja anch abudika mu waat mulong wa kushakam mwi ngand yading yakad antu ayimp. Amujikitisha Yehova nakash mulong wayipandisha, ni amekesha kujikitish kwinoku papanau mulambu kudi Yehova.

Yehova wasangera mulambu winou. Wayikana anch nikezap kushesh chom chin chawonsu chidia pa divu kusutin mabeb. Mudi chijingidij cha kushilamu kwinoku, Yehova wamekesha nkongal wa kusambish. Wamenap kal nkongal?

Kupwa, Yehova wamuleja Nowa ni dijuku diend kuval an ni kwizwish ngand.

‘Nowa wandama mu waat ni antu kijikap chom chikushikena djat ni pezina Mabeb mayijiyish awonsu shitit.’—Mateu 24:38, 39