Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 102

Kujingunik kwa Yohan

Kujingunik kwa Yohan

Padingay kambuy Yohan mu rukan pa ditung dia Patimos, Yesu wamumekeshina yishimushimu 16 piur pa machuku ma kurutu. Yishimushimu yiney yamekesha mutapu ukutumbishau dijin dia Yehova, mutapu ukweza Want wend, ni mutapu ukusadika rusot rend panap pansh mudi mwiur.

Mu chishimushimu chimwing, Yohan umumen Yehova mu ditand diend dia uyaj mwiur, amunyingumukin kudi amakurump 24 adjit masun matok ni adjit yibangul ya or ku mitu yau. Milaylay ya chitokish ni chidjimin cha nzaj yidiokil ku ditand diend. Amakurump 24 asin manungin kurutu kwa Yehova ni kumwifukwil. Mu chishimushimu chikwau, Yohan umen chisak chijim cha antu adiokila ku michid yawonsu, antu awonsu, ni mazu mawonsu akat kumwifukwil Yehova. Mwan a mukoku, Yesu, uyitakedin ni uyitwadin ku mem ma mwom. Kupwa, mu chishimushimu chikwau, Yesu wasambish kal kuyikel mudi Mwant mwiur pamwing nau amakurump 24. Mu chikwau kand, Yohan umen Yesu ukat kumurishikish nnak mujim, dijin diend Satan, ni ayilembil end. Yesu wayidiosh mwiur wayidjubul pansh.

 Kupwa Yohan umen chishimushimu chiwamp cha Mwan a Mukoku ni antu 144 000 iminy ku Mukandu wa Zion. Umen kand mwangel utwikin unyingumokin pa divu diawonsu, ukat kuyilej antu anch mwovany Nzamb wom ni mwinkishany uyaj.

Mu chikwau kand, akat kurish njit ja Harmagedon. Pa chisu cha njit jinija Yesu nau amasalay end awin kal mangand mayimp ma Satan. Mu chishimushimu cha nsudien, Yohan umen kovijan kuwanyidina mwiur ni pa divu. Satan ni mbut jend ajiy kal kamu. Muntu mwawonsu mwiur ni pa divu umen dijin dia Yehova anch didi ditumbila ni umwifukwidin ching ndiy.

“Am nikez kutek rukuny pakach pey ni mband, ni pakach pa mbut yey ni mbut ya mband. Ndiy ukez kukuchany ku mutu wey, niyey ukez kumusum ku kapolantundu kend.”—Disambishil 3:15