Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 94

In Kwilej Atambul kal Spiritu Utumbila

In Kwilej Atambul kal Spiritu Utumbila

Machuku dikum kupwa kwa kuchirik kwa Yesu mwiur, in kwilejend atambula spiritu utumbila. Chading chisu cha Pentekot mu muvu wa 33 C.C., ni antu adiokala ku jindond jivud mulong wa kwez kusal musambu winou mu Yerusalem. Kwading in kwilej a Yesu piswimp 120 akumangana mu kapalikany ka piur ka mu chikumbu. Kapamp kamwing, kwasadika chom cha kushimok. Yom yidia mudi mizwizu ya kasu yamekana pa mutu wa mwin kwilej win mwawonsu, ni awonsu asambisha kulond mu mazu kushalijan. Chidjimin chading mudi rinkind mukash chizula mu chikumbu chawonsu.

Antu adiokala mu jingand jikwau mulong wa kwez mu Yerusalem atesha chidjimin chinech ni aya mau ku chikumbu mulong wa kutal yom yasadika kal. Ashimoka nakash pateshau in kwilej akat kulond mu mazu mau. Alonda anch: ‘Antu inay adi in Galalia. Mutapu ik ulondinau mazu metu?’

 Kupwa Pita nau atwimbuy akwau imana kurutu kwa antu. Pita wayileja antu mutapu wamujipau Yesu ni mutapu wamuvumbulau kudi Yehova. Pita wayileja anch: ‘Katat Yesu udi mwiur ku chikas cha katatuku cha Nzamb, ndiy watuma kal spiritu winou wakanay. Chawiy wamananya kal ni kutesh yilay yiney.’

Mazu ma Pita mayishika antu ku michim ni amwipula anch: “Tukusal nchik?” Wayakula anch: ‘Karumukany kudiokal ku yitil yen, ni kutambul dibatish mu dijin dia Yesu. Ukutambulany kand chipan cha spiritu utumbila.’ Dichuku dinidia, abatisha antu piswimp 3 000. Kusambish pinipa, in kwilej asambisha kuvulijan mu Yerusalem. Nich ukwash wa spiritu utumbila, atwimbuy asala yikumangen yivud nakash, chawiy afanyina kuyifundish in kwilej yom yayifundishau kudi Yesu.

“Anch walond patok kudi antu anch: ‘Yesu udi Nsalejam,’ chad witiy mu muchim wey anch, Nzamb wamuvumbula mu rufu kwikal kand mwom, ey ukez kupand.” —Rom 10:9