Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 90

Yesu Wafa kal ku Golgota

Yesu Wafa kal ku Golgota

In kupesh ajim amutwala Yesu mu chipang cha mwant. Pilat wayipula antu amutwala anch: ‘Mulong ik wasalangay muntu winou?’ Antu amwakula anch: ‘Ulejen anch udi mwant!’ Pilat wamwipula Yesu anch: “Ov, ey udi mwant wa in Yuda?” Yesu wamwakula anch: “Want wamam kiudiap wa mangand minam.”

Kupwa Pilat walejana kumutwal Yesu kudi Herod, mwant wa mu Galalia, mulong wa kuman anch kudi chom chiyimp chasadinay Yesu. Herod kamanap chom chiyimp chasalay Yesu chawiy wamuchirisha kudi Pilat. Kupwa Pilat wayileja antu anch: ‘Ap Herod, ap am tutaninap kwetu chom chiyimp chasadinay muntu winou. Nikimbin nimulikishaku.’ Antu atoya anch: ‘Mujipa! Mujipa!’ Amasalay amubula Yesu nfimbu, amuchidila mat, ni kumubul yinkany. Amudjika chibangul cha miy ku mutu wend ni amusipa anch: ‘Kalombu, Mwant wa in Yuda.’ Pilat wayileja kand antu anch: ‘Nimenap kwam chom chiyimp chasadinay muntu winou.’ Pakwez antu atoya anch: ‘Mupampina pa mutond!’ Chawiy Pilat wayinkishay chakwel aya amujip.

Amutwala Yesu kwi ndond kutazukinau anch Golgota, amupampa pa mutond ni awimika. Yesu walembila anch: ‘Tatuku yilikishina, mulong kijap yom yisadinau.’ Antu asambisha kumuswingish Yesu ni kumwel anch: ‘Anch udi Mwan a Nzamb, diokal pa mutond winou! Ipandisha amwiney.’

Mbwambol umwing wamupampau nend wamuleja anch: ‘Winvurikang amboku piukwandama mu Want wey.’ Yesu wamushilamu anch: ‘Ukez kikal niyamam mu Paradis.’ Kupwa kwa midi, kwakurika mididim mu mangand mawonsu mu a saa asatu. Mariy makwend a Yesu wading nau in kwilej amwing ading iminya piswimp ni mutond wamupampinau Yesu. Yesu wamuleja Yohan kumulam Mariy mudi makwend.

Kupwa, Yesu walonda anch: “Katat yom yawonsu yawanyin kal!” Wazendjika mutu wend ni wafa. Chisu chinicha, divu diazala nakash. Mu tempel, disun diading diaurila ndond Yitumbila ni  Yitumbila Nakash diapuka mu yikunku yaad. Mukurump wa amasalay walonda anch: ‘Winou wading chakin kamu Mwan wa Nzamb.’

“Mulong kushilamu kwawonsu kwa Nzamb kwikala ‘mwaning’ kusutin ndiy.” —2 Korint 1:20, NWT.