Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 74

Yesu Wikal kal Mesia

Yesu Wikal kal Mesia

Yohan walejana anch: ‘Muntu wimpandakenamu wezin.’ Pawanyishay Yesu mivu 30, wadiokala ku Galalia ni waya ku Wit wa Yordan kwadingay Yohan ukat kuyibatish antu. Yesu wakimba anch Yohan amubatisha pakwez, Yohan walond anch: ‘Niwanyidinap kukubatish. Yeya ufanyidina kwimbatish.’ Yesu wamwakula Yohan anch: ‘Yehova ukatin anch ey wimbatisha.’ Chawiy chandamau mu Wit wa Yordan, kupwa Yohan wamwandjika jimu Yesu mu mem.

Kupwa Yesu watuntuka mu mem ni walembila. Pa chisu chinicha, diur diazurika, ni spiritu wa Nzamb washirika padiay Yesu mudi iyemb. Chawiy dizu dia Yehova diadokala mwiur dialond anch: “Ey, udi Mwanam unikatina nakash, am nikat kusangar mulong weyey.”

Pashirika spiritu wa Yehova padiay Yesu, Yesu wikala Kristu ap Mesia. Pawiy pasambishay kusal mudimu wamutuminau pansh kudi Yehova.

Kapamp kamwing kupwa kwa dibatish diend, Yesu waya mwi mpay ni wasala mwinimwa machuku 40. Pachirikay, waya kumutal Yohan. Pashikay Yesu kudiay Yohan, Yohan walonda anch: ‘Talany Mwan a Mukoku wa Nzamb ukata kudiosh yitil ya mu mangand.’ Kusutil ku mazu minam, Yohan wayileja antu patok anch Yesu udi Mesia. Ov, wij yom yamushikena Yesu padingay mwi mpay? El tujingunina yom yiney.

“Chawiy dizu diadokala mwiur anch: ‘Ey udi Mwanam unikatila nakash, am nikat kusangar mulong weyey.’”—Marko 1:11