Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 76

Yesu Utokishin Tempel

Yesu Utokishin Tempel

Pa kapepil ka muvu wa 30 C.C., Yesu waya ku Yerusalem. Antu avud eza mu musumb winou mulong wa kusal musambu wa Pasak. Pasalangau musambu wau, awiy alambula annam mu tempel. Antu amwing eza ni annam au pakwez akwau alandang annam atanau mu Yerusalem.

Payay Yesu mu tempel, watanamu antu akat kulandish annam. Ading kwisakin pa ndond yadinga ya kumwifukwil Yehova! Mutapu ik wasalay Yesu? Wasala nfimbu ya moj wayopata antu mu tempel pamwing ni amikoku au ni angond. Wabumburola ma tebur ma in kuswimpish nfalang ni nfalang jau  japalangana. Yesu wayileja antu adinga ni kulandish atwinkudimb anch: ‘Dioshany yom yiney mwinomu! Kangal wasalany chikumbu cha Tatukwam kwikal ndond ya kwisakin!’

Antu adinga mu tempel ashimoka nakash piur pa yom yasalay Yesu. In kwilej end avurika uprofet walondau piur pa Mesia anch: ‘Kutakaman mulong wa chikumbu cha Yehova kukez kandia.’

Kupwa mu muvu wa 33 C.C., Yesu watokisha kand tempel. Kitiyap muntu ap umwing aburena kumekesh kalimish mulong wa chikumbu cha Tatukwend.

“Kiukutwishanyap kusadil kapamp kamwing Nzamb ni mapit ma pa mangand.”—Luka 16:13