Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 75

Djabul Umupakin Yesu

Djabul Umupakin Yesu

Kupwa kwa kumubatish Yesu, spiritu utumbila wamubachika kuya mwi mpay. Kadiap chom ap chimwing mu machuku 40 chawiy wova nzal nakash. Pawiy pezay Djabul mulong wa kumupak Yesu ni wamuleja anch: ‘Anch ey udi kamu Mwan a Nzamb, maleja mayal minam chakwel makarumuka kwikal mabot [mukat].’ Pakwez, Yesu wakula kusutil ku kujimbul maverse anch: ‘Afundin anch muntu kakutwishap kwikal mwom mulong wa yakudia kusu. Pakwez, ukwet kuswir kwa kutesh dizu diawonsu dilondinay Yehova.’

Kupwa Djabul wamupaka kand Yesu, wamwela anch: ‘Anch ey udi kamu Mwan a Nzamb diokal piur pa tempel widjibula pansh. Afundin kal anch Nzamb ukez katum angel end mulong akwakina pa makas mau.’ Pakwez, Yesu wakula kand kusutil ku kujimbul maverse anch: ‘Afundin anch kangal wamupak Yehova.’

Kupwa, Satan wamuleja Yesu mant mawonsu ma pa mangand, mapit mau ni uyaj wau ni wamuleja anch: ‘Am nikukwinkish mant mawonsu ni uyaj wau anch wangifukwil .’ Yesu wamwakula anch: ‘Diokal kwa Satan! Afundin kal anch chifanyidin kumwifukwil ching Yehova.’

Chawiy Djabul waya, kupwa angel amuletina Yesu yakudia. Kusambishin pinipa, Yesu walejana rusangu ruwamp ra Want. Wawiy mudimu wamutumau kusal pa mangand. Antu akata nakash mafundish ma Yesu ni amulondula ndond yawonsu yayangay.

‘Pakatay [Djabul] kulond makasu, ukat kulond kukwatijan ni rusot rend, mulong udi mwin kudimban, ndiy kamu tatuku wa makasu mawonsu.’—Yohan 8:44