Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 72

Nsand Yesu

Nsand Yesu

Josef, Mariy, Yesu ni an akwau amakundj ni amband ading ashich mu Nazaret. Josef wasalang mudimu wa kusong mabay mulong wa kuwanyish maswir ma dijuku diend ni wafundishang dijuku diend yom piur pa Yehova ni Yijil yend. Dijuku diend diading ni chaku cha kuyang ku sinagog mulong wa difukwil ni ayangang ku Yerusalem mulong wa kusal Musambu wa Pasak muvu wawonsu.

Pawanyishay Yesu mivu 12, dijuku diend diaya mu weny ulemp ku Yerusalem mudi mwadinga chaku chau. Mu musumb mwading yisak ya antu avud eza kusal Musambu wa Pasak. Padingau ni kuchirik kwol kwau, Josef ni Mariy atonga anch Yesu udi mu chisak cha antu achirikina. Pakwez, pamukimbau pakach pa anamakwend, kamumanap.

Anvaj end achirika ku Yerusalem, asambisha kumukimb mwanau mu machuku masatu. Kupwa, amutana udi mu tempel. Yesu wading ushich mukach mwa alej a yijil ukat kuyitesh nawamp ni ukat kuyipul yipul yiwamp. Alej inay amushimoka nakash Yesu ni asambisha  kumwipul yipul. Ashimoka kand nakash mutapu wadingay Yesu kuyakul. Ashikena kukwijik anch Yesu wading wij nawamp Yijil ya Yehova.

Josef ni Mariy akama nakash. Mariy wamwipula mwanend anch: ‘Mwanam twading tukukimbin ndond yawonsu! Kwisu wadinga?’ Yesu wakula anch: ‘Kiwijanyap anch nading nifanyidin kwikal mu chikumbu cha Tatukwam?’

Yesu wachirika pamwing nau anvaj end ku Nazaret. Josef wamufundisha Yesu mudimu wa kusong mabay. Utongin nchik, Yesu wading muntu wa mutapu ik padingay nsand? Papamangay Yesu, wading upamin mu manangu ku ukwash wa Yehova ni wa antu.

‘Nisanger kusal rusot rey, A Nzamb wam, yijil yey yidi mu muchim wam.’ —Kuseng 40:8