Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 70

Angel Alejen Kuvadik kwa Yesu

Angel Alejen Kuvadik kwa Yesu

Mwant Mujim wa in Rom Kaisar Augusta wapana chijil anch in Yuda awonsu afanyidin kuya mu mal mau ma chivadik mulong wa kwifundikish majim mau. Chawiy Josef ni Mariy aya ku Betlehem, kwawiy kwadingau anvaj enday Josef. Pa chisu chinicha Mariy wading piswimp ni kuval.

Pashikau ku Betlehem, ndond yafanyinau kushakam yading mu ditang dia annam. Kwi ndond yiniya kwawiy kwamuvadinau Yesu kudiay Mariy. Mariy wamuvunga mwanend mu masun ni wamuteka pa ndond yikatau kudil annam.

Piswimp ni Betlehem, atufung amwing ading pol uchuku mulong wa kulam amikoku au. Kukashimuk, mwangel wimana kurutu kwau ni chitokish cha uyaj wa Yehova chayimunyika. Atufung ova wom nakash, pakwez mwangel wayileja anch: ‘Kangal wovany wom. Nikwet rusangu risangareshina. Nlel unou Mesia wavadikang kal mu  Betlehem.’ Pa chisu chinicha, angel avud amekana mwiur ni alonda anch: ‘Chifanyidin apana uyaj kudi Nzamb mwiur ni chisambu chikal pansh.’ Kupwa, angel kamekanap kand. Mutapu ik mwasalau atufung?

Atufung anunganijana anch: ‘El tuyany katat kamu ak ku Betlehem.’ Pakad kulab aya ni amutana Josef ni Mariy mu ditang dia annam amuladikang kal mwan nau.

Muntu mwawonsu watesha yom yayilejau atufung kudi mwangel washimoka nakash. Mariy watonga nakash piur pa mazu malondau angel ni kamavuramenap. Atufung achirika kulam amikoku ni amujikitisha Yehova mulong wa yom yamanau ni yateshau.

“Am nadiokala kudi Nzamb. Kinezap ku ulabu wam amwinam, pakwez ndiy wantuma.”—Yohan 8:42

CHAKWEL WIJIKA YOM YIVUD

MAFILIM

‘Ndiy Kamu Watekay Nzamb Kwikal Nsalejetu ni Kristu’

Mu kusut kwa mivu, tukutwish kusambish kwidjidjek ni kuziy mu ritiy. Kasikesh ritiy rey mudiay Yesu, Mesia washilaumu ni Mwant wa Want wa Nzamb.