Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 59

Ansand Anying Amuziyina Yehova

Ansand Anying Amuziyina Yehova

Pakwatay Nebukadinezar in kutakel a mu Yuda mulong wa kuyitwal ku Babilon, wamuleja mukurump wa dirumburish dijim Ashipenaz kuyilam antu inay. Nebukadinezar wamuleja Ashipenaz kutond ansand akad kuyel ni akweta manangu pakach pa antu akwatau. Ansand inay afanyina kuyifumb mu mivu yisatu. Kuyifumb kwinoku kwela kuyisal ansand inay ikal amakurump a dirumburish dia mu Babilon. Ansand inay afanyina kwilej kutang, kufund ni kulond dizu dialondangau mu Babilon. Afanyina kudia kand yakudia yadiangay mwant ni antu awonsu adinga mu chipang chend. Ansand inay anying ading Daniel, Hanania, Mishayel ni Azaria. Ashipenaz wayipila majim masu ma mu Babilon, Balitasar, Shadirak, Meshak ni Abed nego. Kuyifumb kwinoku kwayikangesha kumwifukwil Yehova?

 Ansand inay anying akwata mupak wa kumuziyin Yehova. Ading ij anch kafanyidinap kudia yakudia ya mwant mulong Yijil ya Yehova yalikisha kudia yom yijondila. Chawiy chamulejau Ashipenaz anch: ‘Kangal amboku watwinkish yakudia ya mwant.’ Ashipenaz wayileja anch: ‘Anch udilanyap chad mwant wakumanany uyedilany ukwinjip.’

Daniel wading ni chitongijok. Wamuleja kalam wayilamanga anch: ‘Twinkishang kwetu amboku yakudia ya mayij ni mem ma kuna mu machuku dikum. Kupwa, ukutwilikesh ni antu akwau akata kudia yakudia ya mwant.’ Kalam winou witiya.

Kupwa kwa kuyipak mu machuku dikum, Daniel pamwing ni arund nend asatu ikala ni mijimbu yiwamp kusutamu ansand awonsu. Yehova wasangara nakash mulong amuziyina. Wamwinkisha Daniel manangu ma kurumburil yishimushimu ni yilat .

Papwishau kuyifumb, Ashipenaz wayitwala ansand inay kudiay Nebukadinezar. Mwant wambamba nau ni wamana anch Daniel, Hanania, Mishayel ni Azaria ading ni manangu nakash ni ababela kusutamu ansand akwau. Wayitonda ansand inay anying chakwel asadina mudimu mu chipang cha dirumburish. Mwant wayitanga yisu yivud yiyul pa milong ya usey. Yehova wayinkisha ansand inay manangu kusutamu antu awonsu a mwant akweta manangu ni in kupong.

Ap anch ading mwi ngand ya wingendj, Daniel, Hanania, Mishayel ni Azaria kavuramenap anch ading antu a Yehova. Ukutwish niyey kumuvurik Yehova yisu yawonsu ap anch udi amwiney pakad kwikal nau anvaj ey?

‘Kangal muntu wapipej usand wey. Pakwez, ikal chilakej kudi antu ashinshamena mu kulond, mu yisalijok mu rukat mu ritiy ni mu kwishitul.’—1 Timote 4:12

CHAKWEL WIJIKA YOM YIVUD

Malejan Ukutwisha Kwilej mu Bibil

Alika Kwifukwil

Shadirak, Meshak ni Abed nego alikin kwifukwil chirumbidij cha utad wa or chadinga mu Babilon.

Malejan Ukutwisha Kwilej mu Bibil

Daniel Udi mu Dibuku dia Antambu

Mulembila Yehova dichuku diawonsu, mudi mwasalangay Daniel!