Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Malejan Ukutwisha Kwilej mu Bibil

 DILEJAN 2

Nzamb Watanga Ikundj ni Mband Wakusambish

Nzamb Watanga Ikundj ni Mband Wakusambish

Yehova wadima chir pa ndond yitazukinau anch Eden. Mu chir, mwading yisalamb, mitond yivud, ni annam. Kupwa Nzamb wamutanga muntu wa kusambish, dijin diend: Adam, wanona divu, wadisal muntu, wamupepin mu mazwur rinkind wa mwom. Wij yashikena? Muntu wikala mwom! Yehova wamwinkisha Adam mudimu mu chir, ni wamuleja kupil annam awonsu majin.

Yehova wamwinka Adam chijil cha usey. Wamuleja anch: ‘Ukutwish kudia kwey mabuj ma mitond yawonsu ya mu chir. Pakwez dibuj dia mutond ou wa ronganyin ra kuwap ni kuyip kangal kudidia. Mulong dichuku diukeza kudidia, chakin ukez kufa.’

Kupwa, Yehova walonda anch: ‘Nikimbin kumusadin Adam mwin kumukwash.’ Wamuladika Adam tul tukash, ni wadiosha rubavu ra Adam wamutang nich mukajend. Dijin diend wading Ev. Adam ni Ev asala dijuku dia kusambish. Mutapu ik wiyovay Adam pamumanay  mukajend? Adam wova musangar nakash ni walonda anch: ‘Tal chom chasalay kal Yehova ni rubavu! Chawiy! Winou udi muntu mudi am.’

Yehova wamuleja Adam ni Ev kuval an ni kwizwish divu. Wakata anch asala mudimu ni musangar mulong wa kusal divu diakabuj dikal paradis, ap ndond yiwamp ya kulamin annam, mudi chir cha Eden. Pakwez yom yasadikap mu mutapu winou. Mulong wak? Tukwilej yom yivud mu shapitre wambakedinap.

“Pakusambish Sakatang watanga antu ikundj ni mband.”—Mateu 19:4