Yang pafundinau anch yidiamu

Yang pafundinau anch sou-meni

Atuman a Yehova

Uruund

Ov, Chakin Kamu Afu Akutwish Kwikal Kand ni Mwom?

Ov, Chakin Kamu Afu Akutwish Kwikal Kand ni Mwom?

Ukutwish kwakul anch . . .

  • mwaning?

  • bwat?

  • pamwing ap?

 CHILONDINAY BIBIL

“Akez kavumbuk.”Midimu 24:15.

 OV, TUKUTWISH CHAKIN KAMU KWITIYIJ CHILONDINAY BIBIL?

Mwaning, mulong wa yiyingish yisatu ey:

  • Nzamb udi Sakatang wa mwom. Bibil umutazukin Yehova Nzamb anch udi ‘musul wa mwom.’ (Kuseng 36:9; Midimu 17:24, 25) Ndiy muntu umwing wapana mwom kudi yitangil yawonsu, chawiy ndiy kamu ufanyidina kuchirish mwom kudi muntu kanang wafila kal.

  • Nzamb wayivumbula antu pasak. Bibil wisambidin jinsangu chinan ja antu—nsand, ipal, ikundj ni mband—avumbuka kwikal aom pa divu. Amwing adinga afa kal kwasutin machuku makemp, pakwez mukwau wasutisha kusu machuku manying mwi nzay!Yohan 11:39-44.

  • Nzamb ukwet usu wa kusal kand mwamu. Yehova ukisining rufu; ndiy urumening mudi mukankuny. (1 Korint 15:26) Ndiy ukez ‘kumwakul’ mukankuny winou, rufu, chakwel amupandakana kusutil ku divumbuk. Ukez kuyichirish antu adia mu manangu mend chakwel ayimana kand aom pa divu.Job 14:14, 15.

CHIKUTWISHA KURUMBURIK MAZU MINAM KUDI EY

Rongoj pa chisu chifilinga mukatish kanang.2 Korint 1:3, 4.

Kuyikamunyin ku wom wa rufu.Hebereu 2:15.

Ruchingej rakin rikukuteka pamwing nau akatish ney afila kal.Yohan 5:28, 29.

 CHA KUTONGIJOKIN

Ov, mulong wak tukata kunanap ni kufa?

Bibil wakwil ku chipul chinech chidia mu DISAMBISHIL 3:17-19 ni mu ROM 5:12.