Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Chinong cha Kalam  |  Ngond wa 9 , 2015

 MUTU WA MULONG WA PA CHIBUR | ATUMAN A YEHOVA ADI ANANY?

Yom ik Yikatau Atuman a Yehova Kwitiyij?

Yom ik Yikatau Atuman a Yehova Kwitiyij?

Atuman a Yehova akat kwitiyij anch: “Mazu mawonsu mabachikay Nzamb kumafund mu Mikand yend mawanyidin kulejan nich.” (2 Timote 3:16) Tukat kusadil Bibil mudi umutakel wakin mulong wa kwilej piur pa Sakatang ni kwikal ni mashakamin mawamp.

Bibil ulondin anch: “Chakwel ijika anch ey, dijin diey Yehova, Yey kamu amwiney udia Piur Nakash pa mangand mawonsu.” (Kuseng 83:18, NWT) Chawiy lel, tukat kumwifukwil ching Yehova Nzamb ni tusadil usu wa kwijikish dijin diend mudi atuman end.Isay 43:10-12.

Mudi in Kristu, twitiyijin anch Yesu, “Mwan a Nzamb,” * weza pa mangand ni wikala Mesia. (Yohan 1:34, 41; 4:25, 26) Kupwa kwa kufa kwend, Yesu wavumbuka ni waya mwiur. (1 Korint 15:3, 4) Chad wikala Mwant wa Want wa Nzamb. (Kujingunik 11:15) Want winou udi guvernema wakin ukeza kuchirish Paradis pa divu. (Daniel 2:44) Bibil ulondin anch: ‘In kutentam akez kaswan ngand, akez kusangar mu kuvul kwa chisambu.’Kuseng 37:11, 29.

“Pakatau kutang Bibil, itiyijining anch Nzamb uyilejin awiy kamu. Anch milong yayishiken mu mwom yau, akat kusadin Dizu dia Nzamb ni kukimb mutapu wa kupwish mulong winou. . . . Kudi awiy, Dizu dia Nzamb dikwet mwom.”—Benjamin Cherayath mukurump umwing wa in Katolik, jurnal wa Münsterländische Volkszeitung, Allemagne

Atuman a Yehova akat kwitiyij anch yany ya Bibil yidi ya usey kudi antu kushik ni nlel. (Isay 48:17, 18) Chawiy lel, tukat kulimish yany yiney nakash. Chilakej, mulong Bibil utulejin anch tufanyidinap kuyipish manangu ni mijimbu yetu, tukatap kuna ruwand ap kusadin nayimp yom ya ulemb. (2 Korint 7:1) Tulikining kusal yom yilikishinau mu Bibil, mudi kuleu maar, kwend masandj, ni kwiy.1 Korint 6:9-11.

^ par. 5 Bibil umutazukin kand Yesu anch “Mwan wa kusambish” wa Nzamb mulong chawiy chitang chakusambish chatangay Yehova amwinend.Yohan 3:18; Kolosay 1:13-15.