Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Chinong cha Kalam  |  Ngond wa 9 , 2015

 MUTU WA MULONG WA PA CHIBUR | ATUMAN A YEHOVA ADI ANANY?

Kwisu Kudiokiling Nfalang Jikwashina Mudimu wa Kulejan?

Kwisu Kudiokiling Nfalang Jikwashina Mudimu wa Kulejan?

Muvu ni muvu, tukat kubudish ni kupalangesh mamiliyon ni mamiliyon ma Bibil ni ma mikand yimedina pa Bibil. Tukat kutung, kulam ni kutakel mitiy yikata kuchap mikand pa mangand mawonsu. Tunan ni tunan twa yikumangen yikat kukumangen mwi ndond yiwamp ni yisangareshina yitazukinau anch Yot ya Want. Kwisu kudiokiling nfalang mulong wa yom yiney?

Mudimu wetu ukat kusadik ni yipan ya kwisotil. (2 Korint 9:7) Mu muvu wa 1879, nimero wakaad wa gazet winou, watazukangau chisu chinicha anch, “‘Le phare de la tour de Sion’, walonda anch: twitiyijin anch YEHOVA ndiy ukata kukwash mudimu winou, ni anch chidi mwamu, tukutwishap kwilemb ap kwit ukwash wa antu.” Tukatap kwidjidjek pa mulong winou.

Muntu ukutwish kupan yipan yend kapamp kamwing ku biro wa mutiy ap kuyitek mu mushet wa yipan ya kwisotil uding mu Chot cha Want chawonsu. Pakwez tukatap kufutishan, kwit milambu mulong wa mudimu wetu ap mulong wa mikand. Kakatap kutufut mulong wa kulejan, kufundish mu chikumangen, ap mulong wa ukwash tupanina ku kutung ndond ya kwifukwil. Yesu walonda anch: “En watambulanya . . . wakad difut, niyen panany kand wakad kufutishan.” (Mateu 10:8) Antu awonsu asadina mu mitiy yetu ni ku biro mujim wa mangand mawonsu, kuwejinaku ni akadivar a Chisak Chitakedila cha Atuman a Yehova, kakatap kuyifut.

“Wawiy mutapu ukata kusadik midimu ya Atuman a Yehova, akat kupan yipan ya kwisotil, muntu ni muntu ukwatin mupak wa kupan chisu ni chisu ‘yipan’ yend.”Cour européenne des droits de l’homme, 2011

Yipan yiney akat kuyisadil kand mulong wa kuyikwash antu amena mar. In Kristu a kwinsambishil ipana mu kuyikwash antu ading amena mar mulong wa rupompat. (Rom 15:26) Tukat kand kuyikwash antu akweta mar makash mudi madiokila ku mar ma chitangil mulong wa kutung yikumbu yau ni kutung ndond ya difukwil ni kuyinkish yakudia, maswin, ni kuyokish.