Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Chinong cha Kalam  |  Ngond wa 11 , 2014

 MUTU WA PA CHIBUR | OV, SATAN UDIAKU CHAKIN?

Ov, Satan Udingaku?

Ov, Satan Udingaku?

“Napamina mu Salvador. Pinabwambwilanga, makwam walondanga anch, ‘Djabul ukimbin kukwandam!’ Ni nakulanga anch, ‘Mulika kwey eza!’ Nimwitiyijin Nzamb, kulik Satan.”—ROGELIO.

Ov, witiyijin yilondinay mwan nsand Rogelio? Mu yom yilondwilaku ey, ov, chom ik umena anch chidi chakin?

  • Satan kadiap muntu wakin; udi kwend chifanikesh cha uyimp.

  • Satan udiaku, pakwez ukat kubangin pakemp pa milong ya antu.

  • Satan udi chitang cha mu spiritu chikweta usu nakash chikata kuyibachik antu nakash.

Chom ni chom pakach pa yom yiney achitiyijin kudi antu avud, pamwing ap kudi ma miliyon ma antu. Pakwez ov, mulong winou umeken kwikal wakin? Mwaning, anch Satan uding kwamwamu, antu akata kumwitiyij mudi udiaku ayidimbin. Anch Satan udiaku, pakwez kakatap kwend kubanginang milong ya antu, komb antu avud amubabedila ap akat kumwov wom kayinginap. Pakwez, anch Satan ndiy ukata kuyidimb antu, komb udi muntu muyimp nakash mu mutapu wakad antu kutwish kutesh kurumburik.

Tushinshikinany amboku mutapu wakwilay Bibil ku yipul yiney: Ov, Satan nany ap chom ik—chifanikesh cha uyimp bil anch muntu wa mu spiritu? Anch udi muntu, ov, Satan udi ubaj kudi ey? Anch chidi mwamu, mutapu ik ukutwisha kwilam?