Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Chinong cha Kalam  |  Ngond wa 11 , 2014

Yakul ku Yipul ya Bibil

Yakul ku Yipul ya Bibil

Ov, Yesu wavumbula antu chakin kamu?

Yesu wamuvumbula Lazar, wading wafila kal kwasutin kal machuku manying

Bibil ulondin patok anch Yesu wachirisha antu afila kal ku mwom. Yom yiney yidiap ya mu chilat, ayivumbwila chakin kamu antu inay pa ndond ni chisu yijikena. Chilakej, kwinsambishil kwa muvu wa 31 C.C., chisak chipandakena kujimb cha antu chaya ni Yesu kudiokal mu Kapernaum mulong wa kuya ku Nain. Pashikau, atanijana ni chisak chikwau kand cha antu. Ukutwish kwitiy rusangu piur pa divumbuk rasadika mulong arifundin mu Bibil, Mukand wa Nzamb, ni mulong arilejen kurutu kwa uruu winou wawonsu.Tang Luka 7:11-15.

Yesu wamuvumbula kand murund nend Lazar, wading wafila kal kwasutin kal machuku manying. Ukutwish kwitiy yasalay Yesu dichuku dinidia mulong antu avud amana yom yiney piyasadika.Tang Yohan 11:39-45.

Ov, mulong wak Yesu wavumbula antu?

Yesu wavumbula antu mulong wading uyovidin riy. Wasala kand mwamu mulong wa kumwijikish Tatukwend, Sakatang wa mwom, wamwinka usu wa kuvumbul antu.Tang Yohan 5:21, 28, 29.

Antu avumbulay Yesu atwinkishin mu kashinsh kushilamu kwend piur pa machuku ma kurutu. Ukez kuvumbul antu avud nakash, kuwejinaku ni antu ayimp, antu akad kwijik chom ap chimwing piur pa Nzamb wakin. Akez kwikal ni chisu cha kumwijik ni kumukat Yehova Nzamb.Tang Midimu 24:15.