Anch relijon umwing wa kovish kuyip, ukutwish kulik kwitiyij mu relijion win mwawonsu. Pakwez, ukutwish kwikal nich kashinsh anch kudi relijon umwing ufanyidina ey kuchingejin. Padingay pa divu, Yesu wakumangeja chisak chimwing cha in kumulondul ashinshamena ni wayileja mutapu wa kulondul yijil ya Nzamb. In kumulondul a kashinsh a Kristu​—antu asotina kwikasikesh kulondul yijil ya win Kristu—​adiaku. Ov, kwisu ukutwisha kuyitan?

Estelle, twisambinanga kwinsambishil kwa mutu wa mulong umwing, ulejen anch: “Nasambisha kamu kwilej Bibil nawamp pinasambisha kwilej ni Atuman a Yehova. Najingunina swa kurumburik kwa Yohan 8:32, ulejena anch: “Ukez kwijikany uyakin, chad uyakin ukez kukukwolany.’”

Ray, twisambinanga kand kwinsambishil, ulondin anch: “Kusutil ku kwilej Bibil ni Atuman a Yehova, nileja anch Nzamb kindiyap kindiyap kwend uletina mar pa mangand. Najikitisha pa kuman anch Nzamb ukwet diyingish diwamp dia kulikidil mar katat, ndiy washilamu kand anch ukez kumadiosh piswimp ap.”

Chimeken patok anch, chikasiken kusal yom yitentamina anch antu avud kakatap kuziyil ku yijil ya Nzamb. Pakwez chitwishikin. Mulong antu avud asotin kuyikwash chakwel atesha ni asadila malejan ma Bibil. Chawiy lel Atuman a Yehova akat kwilej Bibil ni mamiliyon ma antu adia pa mangand mawonsu. Rubing ni rubing, antu avud akata kwilej chifundishinay chakin kamu Bibil, asejin piswimp ni Sakatang wau, ni akwet mwom wa musangar. *

Mulong wak ukutwishap kuyipul Atuman a Yehova akuleja mulong wak itiyijining mu relijon wau?

Piukeza kutanijan ni Atuman a Yehova, ov, mulong wak ukutwishap kuyipul akuleja mulong wak akat kwitiyij mu relijon wau? Shinshikin pa malejan mau ni rusangu rau. Kupwa, kwat amwiney mupak wa kwel anch kudi relijon umwing ukutwisha kwitiyij.

^ par. 5 Chakwel wijika yom yivud, tal buku Chom ik Chifundishinay Chakin Kamu Bibil? Wapalangeshau kudi Atuman a Yehova.