Ov, Mulong wak amutanzukining Yesu anch Mwan a Nzamb?

Nzamb kaweta mband wa kashinsh chakwel kuval nend an. Udi sakatang wa yawonsu yidia ni mwom. Antu ayitanga ni usu wa kutwish kwimburij ngikadil ya Nzamb. Chawiy muntu wakusambish watangay Nzamb, Adam, akat kumutazukang anch “mwan a Nzamb.” Chilik chimwing, Yesu amutazukin anch “Mwan a Nzamb” mulong amutanga ni ngikadil mudi ya Tatukwend.—Tang Luka 3:38; Yohan 1:14, 49.

Ov, Chisu ik chamutangau Yesu?

Nzamb wamutanga Yesu kurutu kwa kutang Adam. Chawiy lel, Nzamb wamutanga Yesu ni kupwa wamusadina mulong wa kutang yom yikwau yawonsu yidiaku, ni angel kumwing. Chawiy chimutazukinau Yesu mu Bibil anch: “Mwanat wa yom yawonsu yatangau” kudi Nzamb.—Tang Kolosay 1:15, 16TMK.

Kurutu kwa kuvadikay mu Betelem, Yesu wadinga chitang cha muspiritu mwiur. Pawanyina chisu, Nzamb wamburila mwom wa Yesu kudokal mwiur kuutek mwivum mwa Mariy chakwel atwisha kuvadik mudi muntu.—Tang Luka 1:30-32; Yohan 6:38; 8:23.

Ov, Mulong wak Nzamb wakata anch Yesu avadika mudi muntu pa mangand? Ov, mudimu ik wa pakampwil wawanyishay Yesu? Ukutwish kutan yakul ku yipul yiney mu Bibil, ni yikez kuwapish kutesh kwey ni kusanger kwey kwa yom yasalay Nzamb ni Yesu mulong weyey.