Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Chinong cha Kalam  |  2017-07

Tetragram, dijin ditumbila dia Nzamb, Yehova, mu mamuny ma Hebereu, amatangin kudiokal ku chikas cha katatuku kuya ku chikas cha kamaku

Kashinsh ka Usu Kadiokila mu Kamufund Kakemp Nakash ka Hebereu

Kashinsh ka Usu Kadiokila mu Kamufund Kakemp Nakash ka Hebereu

Ov, tukwet kamu kashinsh anch kushilamu kwawonsu kwa Nzamb kukuwanyin? Yesu wading ni kashinsh mu yom yiney, ni mafundish mend makasikesha ritiy ra antu amuteshang. Shinshikin chilakej chaletay mu mafundish mend mijikena ma pa Mukand, chidia mu Mateu 5:18: “Mulong chakin kamu nakulejany anch diur ni divu yikusut yapwa, kamufund kamwing ap kachikunku ka chijil kiyikez kwisutilip, ching yom yawonsu yez yawanyin,” TMK.

Dimuny ap kamufund kakemp nakash ka alufabe wa Hebereu kadi י (yod), kadia kadimuny ka kusambish ku mamuny manying matazukinau anch tetragram, mamekeshina dijin ditumbila dia Nzamb, Yehova. * Mu mazu ma katat ni ma chijil cha Nzamb, in kufund nau Afaris amanang anch “kamufund” kin kawonsu kading kakwet kurumburik.

Yesu walonda anch diur ni divu yikusut pakwez dimuny dikemp nakash dia Chijil ching diawanyin. Chawiy Bibil utwinkishin kashinsh anch diur ni divu yimekena ni mes yikushal chikupu. (Kuseng 78:69) Chawiy mazu minam mamekesha anch kwikil kamufund ap kakemp ka chijil kakulika kuwanyin.

Ov, Yehova Nzamb ukat kushinshikinang pa tuyom tukemp tukemp? Mwawiy kamu. Shinshikin chom ech: Ayileja in Isarel a pasak anch kafanyidinap kubuz difup ap dimwing dia mukoku wa Pasak. (Kubudik 12:46) Chading chimeken anch kadi kwau kachom kakemp. Ov, in Isarel ading ij mulong wak kafanyinap kubuz difut ap dimwing? Pamwing ap bwat. Yehova Nzamb wading wij anch, kachom kinak kakemp wading uprofet umekeshina anch kwikil difup ap dimwing dia Mesia dikez kabuzau chisu chikufay pa mutond wa mar.—Kuseng 34:20; Yohan 19:31-33, 36.

Mazu ma Yesu matufundish yom ik? Niyetu tufanyidin kwikal kamu nich kashinsh kin kawonsu anch yom yawonsu yakanay Yehova yikuwanyin, ap mu tuyom tukemp tukemp. Kashinsh mud ik ka usu kadiokila mu dimuny dikemp nakash dia Hebereu!

^ par. 3 Kamufund kakemp ka alufabe wa Grek kadi iota ni kafanikishadin ni kamufund ka Hebereu י (yod). Mulong Yijil ya Moses ayifunda ni kuyilejan mu Hebereu, Yesu niyend wajimbulang mifund ya Hebereu.