Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Chinong cha Kalam  |  Ngond wa 9 , 2016

 MUTU WA MULONG WA PA CHIBUR | KWISU UKUTWISHA KUTAN KWONGOJ?

Etu AwonsuTukwet Kuswir kwa Kutongoj

Etu AwonsuTukwet Kuswir kwa Kutongoj

Uvurikin chisu wawa pansh piwading mwanikanch? Pamwing ap wisupula ku chikas ap pa dinungin. Ukutwish kuvurik mutapu wa kwongojau kud makwey? Pamwing ap makwey wakowisha pa chitat ni kukukas kachibel. Wadila, pakwez kwongoj kwend ni kukubwikat kwend kwa chirungil kwa kusala anch wiyova nawamp. Pa chisu chinicha, kwongoj kwading kwa usey nakash mu mwom wey.

Pakwez pituyiling mu kupam yom yikat kukasikan mu mwom wetu. Milong yipandakening ni pa kutan rongoj chikasikening. Milong yirishiningau nich antu apamina kal yikasikening kuyilond, yikasikening kuyipwish mud mumukasiningau mwan chibel pa chitat kud makwend. Tushinshikinany yilakej yimwing.

  • Warishinap kal ni mulong ukash wa kupwa kwa mudimu wey? Julian ulondin anch naziya nakash ni nova ushon nakash. Wiyipula anch ‘mutapu ik nikutwisha kuwanyish maswir ma mu dijuku diam?’ ‘Nasala mudimu ukash mu mivu yivud, chad mulong wak societe wamana anch nikwetap usey?’

  • Pamwing wova ushon nakash mulong uruw wey wafa. Raquel ulondin anch: “Panlikay nfumwam kapamp kamwing pasuta angond 18, nova ushon nakash. Muchim wam waziya nakash.” “Ushon wading wa kumujimbu ni yovil. Naziya nakash.”

  • Pamwing ap uyedin nakash ni umen anch chikasiken kuyerik. Kud yisu yimwing ukutwish kwiyov mud mwiyovay nshakur Job, palonday anch: “Nafa kal kwam, kinikupandap kand chikupu.” (Job 7:16) Pamwing ap wiyovil kand mud mwiyovay Luis, ikundj ukweta mivu 80, walonda anch: “Yisu yimwing nading niyovil mud nifanyidin kwam kufa.”

  • Ap pamwing ap kufa kwa muntu ukatina kukutwish kusal wikala ni kuswir kwa kukongoj. Robert ulondin anch: “Pafay mwanam ikundj ku aksida wa avion, kapamp kakusambish nitiyap. Kupwa nova ushon, ushon wisikejinau mu Bibil mud mpak ya musamun anch yakupamp.”—Luka 2:35.

Robert, Luis, Raquel, ni Julian atana rongoj, pa yisu ya mar. Awiy atana Muntu muwamp mwin kuyongoj—Muntu winou wading Nzamb wa Dikand Diawonsu. Mutapu ik wongojiningay? Mutapu ik ukutwishay kukwongoj niyey?