Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Chinong cha Kalam  |  Ngond wa 9 , 2016

Want wa Nzamb Chom ik?

Want wa Nzamb Chom ik?

Want wa Nzamb Chom ik?

ANTU AMWING ITIYIJINING anch ud want wa Nzamb udia mu muchim wa muntu; akwau atongining anch ud chibudikin cha usu usadiningau antu mulong wa kulet chisambu mu mangand ni kuyitek antu mu umwing. Ey utongin nchik?

CHILONDINAY BIBIL

“Nzamb wa mwiur ukez kukasikesh want ukwau wakad kwez kwikal nich disudiel chikupu.  . . ukez kushesh mant makwau mawonsu [ma antu].” (Daniel 2:44) Want wa Nzamb ud winyikel wakin.

YOM IK YIKWAU TUKUTWISHA KWILEJIN MU BIBIL

  • Want wa Nzamb uyikedil mwiur. —Mateu 10:7; Luka 10:9.

  • Nzamb usadidin Want mulong wa kuwanyish rusot rend mwiur ni pansh.—Mateu 6:10.

Want wa Nzamb ukwez chisu ik?

CHOM IK UKUTWISHA KULOND?

  • Kwamwamu muntu wija

  • Piswimp ap

  • Ukwezap

CHILONDINAY BIBIL

“Rusangu Ruwamp ra Want wa Nzamb ez arulejan bil ku mangand mawonsu ni kwikal uman kudi antu a michid yawonsu, chad lel disudiel dia mangand dieza.” (Mateu 24:14) Cha kusambish rusangu ruwamp akurilejan ndond yawonsu, ni Want wa Nzamb ukwez kulet disudien dia mangand minam mayimp.

YOM IK YIKWAU TUKUTWISHA KWILEJIN MU BIBIL

  • Kwamwamu muntu ap umwing wija nawamp dichiku ap chisu chikweza Want wa Nzamb.—Mateu 24:36.

  • Uprofet wa mu Bibil umekeshin anch Want wa Nzamb ukwez piswimp ap.—Mateu 24:3, 7, 12.