Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Chinong cha Kalam  |  Ngond wa 7 , 2016

 MUTU WA MULONG WA PA CHIBUR | RUSANGU RILEJENA MUTAPU WAKIMBAU KUJIYISH BIBIL

Mulong Wak Bibil Akanganya Kumujiyish

Mulong Wak Bibil Akanganya Kumujiyish

Bibil akanganya kumujiyish. Mudi chibudikin, nlel ukutwish kwikal nend ni ukutwish kumutang. Anch watond Bibil wakarumunau nawamp, ukutwish kwikal nich kashinsh anch utangin Mifund yafundau pakur. * Ov, mulong wak Bibil wikalaku pakimbau kumujiyish, chikalap nchik rupompat rikash ni ap anch apakisha kuswimp uruu wend? Chom ik chisadina anch buku winou ikala wa pakampwil?

“Nikwet katat kashinsh anch Bibil udi chipan chidiokila kudi Nzamb”

In kwillej avud a Bibil ashikena mu kulond mudi mwalonday kambuy Paul anch: ‘Mazu mawonsu amapepila kudi Nzamb.’ (2 Timote 3:16) Akat kwitiyij anch Bibil kamujiyishap mulong udi kamu Dizu dia Nzamb ni mulong Nzamb wamulama djat ni nlel. Faizal, twisambinang mu mitu ya milong yasuta kal ey wikwatina amwinend mupak wa kwilej Bibil. Yom yajinguninay ya musangaresha nakash. Wileja anch malejan mavud makatau kulejan in Kristendom madiap mu Bibil. Chikwau kand, wasangera kwijik chitongijok cha Nzamb mulong wa divu chimekeshinau mu Dizu dia Nzamb.

Ndiy ulondin anch: “Nikwet katat kashinsh anch Bibil udi chipan chidiokila kudi Nzamb.” “Kupwa kand, Anch watanga mangand, ov, kakutwishap kutwinkish buku ni kumulam mulong wetwetu? Mu mutapu ukwau nikutwish kulond anch usu wa Nzamb udi wakad mupak. Usu wa Mwin Dikand Diawonsu udi wakad mupak!—am nidi nany chakwel nimika usu winou?”—Isay 40:8.

^ par. 3 Tal mutu wa mulong ulondina anch “Comment choisir une bonne traduction de la bible?” mu Chinong cha Kalam cha 1 ngond wa 1, 2008 mu Français.