Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Chinong cha Kalam  |  Ngond wa 7 , 2016

 MUTU WA MULONG WA PA CHIBUR | RUSANGU RILEJENA MUTAPU WAKIMBAU KUJIYISH BIBIL

Kwikalaku kwa Bibil Pakimbau Kumujiyish

Kwikalaku kwa Bibil Pakimbau Kumujiyish

UBAJ: Mishij ni yikit yawiy yom yakusambish yasadinau kudi in kufund Bibil ni in kufundiril. * (2 Timote 4:13) Mutapu ik yom yiney yateka kwikalaku kwa Bibil mu ubaj?

Mishij yading ni kwapok, yadiokalang ulombu, ni yading yiziyin. Richard Parkinson Mwin kwilej yom ya mu Idjibit nenday Stephen Quirke alonda anch “Dipaper dikutwish diapok diashal ndand ni kushal mudi rufunfut mukemp.” “Anch yidi mwin ndond mwakuyilamin, yikutwish yawil kambukur ap yakwat chitalosh ni akutwish kuyidia kudi atupwapu pakampwil ayikesu anch ayijindjikin kal mu divu.” Mishij yimwing kupwa kwa kuyijingunin, ayitekang pa muten ap mu chitalosh mulong wa kuyijiyish swa.

Yikit yading yikasiken nakash kusutamu mishij pakwez ni yawiy yayipang anch ayitek pa muten nakash mu chitalosh ap pa ndond pa chirungul. * Yikit ni yawiy ayidiangang kudi atupwapu. Kulondwish ni yom yafundau pakur, mudi mulondina buku Everyday Writing in the Graeco-Roman East, “chading chikasiken pakwel anch yom yafundau pakur yikalaku.” Anch Bibil wajiya, rusangu rend rakimba ni rawiy kujiy.

MUTAPU WAKANGANYAU KUJIYISH BIBIL: Chijil cha in Yuda chalondang anch mwant ni mwant ‘afunda amwinend kopi mu buku wa Chijl chinech,’mu mikand yitan ya kusambish ya mu Bibil. (Kuvurik Yijil 17:18) Chawiy, in kufundiril afunda mamaniskri mavud mu mivu chitot ya kusambish C.C., Mifund yiney ayitana mu masinagog ma mu Isarel mwawonsu ni jindond ja kulemp ni mu Masedon! (Luka 4:16, 17; Midimu 17:11) Mutapu ik wakanganyau kujiyish mamaniskri mamwing ma pakur kushik ni nlel unou?

Maniskri mijikena mudi Mivungur ya pa Karung wa Mungu kamajiyishap mu mivu chitot mulong maniskri minam amajindjika mu jinsab ja kam mu yikumbu ya pansh yakad kwikal ni chitalosh

Mwin kwilej umwing wa Manswik Masu utazukinau anch Philip W. Comfort ulondin anch: “In Yuda ading ij kulam mivungur yading ni Mifund mu mannung ma kam ni mu jinsab.” Yishankur ya in Kristu yadandamena kumekan patok. Pakwez, mamaniskri mamwing ma kusambish ma Bibil asambisha kumajingunin mu jinsab ja kam ja jindjikau mu yikumbu ya pansh mudia mididim ni mu jindond mwakad yitalosh.

CHIBUDIKIN: Tunan twa yikunku ya mamaniskri ma Bibil ma pakur—twasutishin kal mivu 2 000—katujiyishap tudiaku kushik ni nlel. Kwikil mifund yikwau ya pakur yikweta mamaniskri mavud mudi minam.

^ par. 3 Mishij yidi yom yafundinangau yakwatangau ku mitond ya ku mem. Pakwez, yikit ayidioshang kudi annam.

^ par. 5 Chilakej, kopi wafundau mulong wa kulond piur pa Indepandans wa États-Unis, amufunda pa chikit. Kupwa kwa mivu 250, kamekanap kand nawamp mu mutapu wafanyina anch amutanga.