Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Chinong cha Kalam  |  Ngond wa 5 , 2016

 MUTU WA MULONG WA PA CHIBUR

Anch Muntu Ukatina Wafa

Anch Muntu Ukatina Wafa

“Nzamb wij nawamp. . . . Lik . . . kwey . . . kudil.”

Mazu minam amalonda mu kayauyau mu ditu dia mwan mband utazukinau anch Bebe. Wading ku chidil cha tatukwend wafa ku akisida ku motak.

Bebe wading umukatin tatukwend nakash. Mazu minam amulejam kudi murunend, pakwez Bebe wamana anch mazu minam mamunenganesha nakash pandond pa kumukasikesh. “Rufu riner radingap ruwamp,” wachirikinang mazu minam. Chamekan patok anch, pafunday rufu riner mu buku wend, Bebe wading udandamedin kwov ushon.

Mudi twatesha kal rusangu ra Bebe, chimeken anch pakat kusut chisu chilemp pakwel anch muntu apwisha ushon, pakampwil anch muntu wafila wading mwanamakwend nakash. Mu Bibil rufu arilejen mudi ‘mukankuny wa nsundien.’ (1 Korint 15:26) Rufu rikat kushesh mwom yetu ni kwikiling chom chikutwisha kurikangesh, yisu yivud rikat kushiken pakad etu kutongin, ni rikat kutujipin antu tukatina. Kwikil muntu ap umwing ukutwisha wa riyep. Komb tukutwishap kushimok anch twiyov anch tukutwish twashadish muntu tukatina ni chiwapin kwijik mutapu tukutwisha kurish nich rufu anch ratushiken.

Pamwing ap wiyipwilap kal anch: ‘Nikwov ushon machuku minch? Mutapu ik ukutwishay muntu kurish nich ushon? Mutapu ik nikutwisha kuyongoj antu afishina? Ov, kudi ruchingej kampand mulong wa antu tukatina afila kal?’