Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Chinong cha Kalam  |  Ngond wa 3 , 2016

Chom ik Chilondinay Bibil?

Chom ik Chilondinay Bibil?

Djabul udi nany ap chom ik?

UKUTWISH KULOND anch Djabul udi . . .

  • Muntu wa muspiritu?

  • Chijingidij cha uyimp chidia mukach mwa muntu?

  • Chibudikin cha chitongijok cha muntu?

CHILONDINAY BIBIL

Djabul wambamba ni Yesu ni “wamupaka.” (Mateu 4:1-4) Chawiy Djabul kadiap chom cha mu chifanikesh, ap chijingidij cha uyimp. Udi muntu muyimp wa muspiritu.

YOM IK YIKWAU TUKUTWISHA KWILEJIN MU BIBIL?

  • Kwinsambishil, Djabul wading mwangel muwamp, pakwez ‘kimanap mu uyakin.’ (Yohan 8:44) Wikala mwin makasu ni wamubwambwila Nzamb.

  • Angel akwau ibomba ku wimbwambwol wa Satan. —Kujingunik 12:9.

  • Djabul wayibwikin kal antu avud pa mes piur pa kwikalaku kwend.—2 Korint 4:4.

Djabul ukutwish kuyitakel antu?

ANTU AMWING ALONDINING anch kutakel kwa Djabul yiding yom ya makasu, pakwez antu akwau akweting wom wa kwikal atakedilau kudi ayilembil ayimp. Ing ey, utongin nchik?

CHILONDINAY BIBIL

“Ngand ya kabuj yidi mu chikas cha Satan.” (1 Yohan 5:19) Djabul ukwet chibachikin chikash mu mashakamin ma antu, pakwez kakatap kumutakel muntu win mwawonsu.

YOM IK YIKWAU TUKUTWISHA KWILEJIN MU BIBIL?

  • Djabul ukat kusadin makasu mulong wa kutwal yitongijok yend kurutu.—2 Korint 11:14.

  • Aspiritu ayimp akutwish mu mutapu kampand kuyitakel antu.—Mateu 12:22.

  • Nich ukwash wa Nzamb tukutwish ‘kurish nend Sakudimban.’—Jakobu 4:7.