Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Chinong cha Kalam  |  Ngond wa 12 , 2016

Ov, Uvurikin?

Ov, Uvurikin?

Watangin nawamp ma nimero ma katat ma Chinong cha Kalam? Anch mwawiy, el tumana anch ukutwish kwakul ku yipul yilondwilaku ey:

Chitil cha mutapu ik chisambinay Yesu chilondinau mu Mateu 18:15-17?

Yesu walonda piur pa mutapu wa kupwish kupwitijan kudia pakach pa antu aad. Pakwez, chitil chikwikal chijim ni chiwanyidina kumwopat muntu anch mulong upwilap. Chilakej, chitil chikutwish kwikal wij ap kafukej.—w16.05, p. 11.

Yom ik ukutwisha kusal chakwel utaninamu nakash mu kutang kwa Bibil?

Ukutwish kusadin yom yilondwilaku ey: Tang nich chitongijok chiwamp, kimb malejan ukutwisha kusadin; iyipula yipul mudi ‘Mutapu ik nikutwisha kusadin malejan minam mulong wa kuyikwash antu akwau?’; ni sadin yom ya kukimbijol nich yidiaku mulong wa kukimbijol piur pa yom utangina.—w16.05 p. 29-30.

Chidi chiyimp kudi mwin Kristu kwov ushon ap anch witiyijin divumbuk?

Ritiy mulong wa divumbuk rikutwishap kumukangesh mwin Kristu kwov ushon. Aburaham wamudila Sara. (Dis. 23:2) Mu kusut kwa chisu, ushon ukutwish kupwa.—w16.05, p. 4.

Muntu ukweta chom cha kutekin yom ya kufund nich ujimbwilau mu Ezekiel shaptre wa 9 udi nany, ni antu musamban akweta yom ya njit amekeshin ik?

Amekeshin usu wa mwiur wiyandjika mu kusheshik kwa Yerusalem ni usu winou ukwiyandjik kand mu kujiyish pa kuletau Armagedon. Mu kuwanyin kwa katat, muntu ukweta chom cha kutekin yom ya kufund nich umekeshin Yesu Kristu, utekina antu akupanda yijingidij.—w16.06, p. 31-32.

Bibil akanganya kumujiyish ku ubaj wa mutapu ik?

Kamujiyishap ku ubaj wa :(1) yom yasadinau mulong wa kufundinap, mudi mishij ni yikit ya annam; (2) rupompat kudi antakel a chipolitik ni a chirelijon akimba kumujiyish; ni (3) antu amwing apakisha kuswimp uruu wend.—w16.07, p. 4-6.

Mitapu ik yimwing yikutwishay kusadin mwin Kristu chakwel apipej mwom wend?

Fund list wa yom ukwet nich kuswir, ni kangal kusadin nfalang mu mutapu uyimp. Ijik uvud wa nfalang ukutwisha kusadin. Landish, pan ap djibul yom yiwakad kusadin ni chirish nfalang jiwasondamina pakad kulab. Tong mutapu ukutwisha kusadin chisu mulong wa mudimu wa ku mujimbu, ni itenchika mulong wa kusal nakash mudimu wa kulejan.—w16.07, p. 12.

Ov, Bibil ulejen chom chikweta usey nakash kusutamu utad wa or ap utad wa argent?

Job 28:12, 15 umekeshin anch manangu ma Nzamb masutinamu utad wa or ni utad wa argent . Piukimbina manangu minam, sal usu wa kushal wikepishina ni ukasikena mu ritiy.—w16.08, p. 18-19.

Chidi chiwamp kudi mukadivar nlel kulam wedj?

Mu yaku ya antu amwing, chiwapining kukil wedj ni kuulam nawamp mulong ukutwishap kuyikangesh antu kutesh uruu wa Want. Pakwez akadivar amwing akutwish kukwat mupak wa kulik kwikal ni wedj. (1 Kor. 8:9) Mu yaku ya antu akwau ni mu mal makwau kulam wedj chidiap chaku chau, chawiy in Kristu kafanyidinap kulam wedj.—w16.09, p. 21.

Mulong wak tukutwisha kwitiyij yilondinay Bibil piur pa David ni Goliat?

Goliat wading uyisutinamu antu alemp nakash a chirung chinech ku ma centimetre 15. David wadingaku kamu chakin, mudi mwalejanau mu mifund yafundau mulong wa chikumbu cha David ni yom yalonday Yesu. Jinsangu jafundau pakur jilejen nawamp yom yivud yasadika.—wp16.5-F, p. 13 .

Kushalijan ik kudia pakach pa ronganyin, kutesh kwa yom, ni manangu?

Muntu ukweta ronganyin ukat kulam jinsangu ap uyakin kanang. Muntu ukata kutesh yom ukutwish kwijik mutapu wa kumulejamu muntu mukwau. Pakwez muntu ukweta manangu ukwet ronganyin, ukat kutesh ni ukat kusadin yom yiney nawamp.—w16.10, p. 18.