Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Chinong cha Kalam  |  Ngond wa 11 , 2016

Chom ik Chilondinay Bibil?

Chom ik Chilondinay Bibil?

Ov, Nzamb wakwiling ku malembil mawonsu?

UKUTWISH KULOND ANCH WAKWILING KU MALEMBIL MA . . .

  • Antu awonsu

  • Antu amwing

  • Kakwakulangap

CHILONDINAY BIBIL

“[Yehova] udi piswimp kudi awonsu . . . akata kumutazuk nich win yakin.”—Kuseng 145:18.

YOM IK YIKWAU TUKUTWISHA KWILEJIN MU BIBIL?

  • Nzamb kakuteshangap malembil ma antu akata kumubwambwil ndiy. (Isay 1:15) Chawiy, akutwish ‘kurijek yom’ pamwing ni ndiy kusutin ku kuswimp yaku yau.—Isay 1:18.

  • Chakwel anch Nzamb akula ku malembil, chifanyidin malembil makwatijana ni yom yitwitinay yidia mu Bibil.—1 Yohan 5:14.

Ov, kudi mutapu wa pakampwil tufanyidina kusadin pitulembila?

ANTU AMWING ITIYIJINING anch afanyidin kwas manungin, kuzendjik mutu, ap kubomb makas ni kumatek pa ntul chisu chilembilau. Ey utongin nchik?

CHILONDINAY BIBIL

Nzamb witiya malembil ma antu ading ‘ashicha’ ap ‘iminya’ ap antu ading ‘azendjikina mitu’ ap ‘asina manungun pansh.’ (1 Jinsangu 17:16; 2 Jinsangu 30:27; Esidera 10:1; Midimu 9:40) Katwitinap mutapu wa pakampwil tufanyidina kusal chisu tulembila.

YOM IK YIKWAU TUKUTWISHA KWILEJIN MU BIBIL?

  • Nzamb uyiteshining antu ikepishina. —Kuseng 138:6.

  • Ukutwish kulembil mu dizu din diawonsu ap mu muchim.—2 Jinsangu 6:32, 33; Nehemiy 2:1-6.