Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Chinong cha Kalam  |  Ngond wa 6 , 2017

Ov, Wij?

Ov, Wij?

Mulong wak Yesu wayitazuka antu alandishanga annam mu tempel wa Yerusalem anch “ambwitan”?

MU EVANJIL wa Mateu tutangin anch: “Yesu wandama mu [tempel], chad wayopat in kuland ni in kulandish. Wabumburola [matebur] ma in kuswimpish nfalang, ni yipwan ya in kulandish atwinkudimb. Ndiy wayileja anch: “Afundil mu mukand wa Nzamb anch: Chikumbu chamam akez kuchitasuk anch, chikumbu cha kulembil. Pakwez en wachikarumwinany kal kwikal mandam mau ambwitan!””—Mateu 21:12, 13.

Rusangu rimekeshin anch in kwisak a mu tempel inay alandishang yom ni usey wa piur nakash. Chilakej, atwinkudimb kadingap kwau ni usey nakash, mulong kazwendj niyend ukutwish kuyiland mulong wa kupan mulambu. Pakwez, in kufund a in Yuda alonda anch kwading chisu chimwing mu mivu chitot ya kusambish, muntu wafanyina kufut dinar umwing wa utad wa or mulong wa kuland atwinkudimb aad. Wading ufanyidin kusal mudimu machuku 25 chakwel apata nfalang jinej. Atwinkudimb ikala ni usey nakash, chawiy chayikasikena chad atuzwendj kuyiland mulong wa kulambul. (In Levi 1:14; 5:7; 12:6-8) Rabi Simeon ben Gamaliel wova ujim nakash piur pa mulong winou, chawiy wakepisha uvud wa milambu wayitangau in Yuda mulong wa kulambul. Kapamp kamwing, usey wa atwinkudimb aad washirika kamu nakash.

Mudi mutwamana kal, in kwisak inay ading akwet ris nakash ra nfalang ni isakinang pa mitu ya antu. Chawiy chayitazukau kudi Yesu anch “ambwitan.”