Yesu wapana mwom wend mulong wa antu akayitil. (Ro 5:8) Pakad kwidjidjek twitiyijin anch Yesu watukata kusutin kupan mwom wend mulong wetwetu. Pakwez, yisu yimwing tufanyindin kuvurik anch Kristu wafa kand mulong wa mukadivar netu. Mutapu ik tukutwisha kumekesh rukat mudi ra Kristu kudi akadivar nau anambaz netu, adia antu akad kuwanyin mudi etu? Shinshikin mitapu yisatu. Wakusambish, tukutwish kuvudish arund netu kuwejaku ni antu akweta yishankur yishalijadina ni yetwetu. (Ro 15:7; 2Ko 6:12, 13) Wakaad, tufanyidin kubabal mulong wa kwipuk kulond ap kusal yom yikutwisha kuyipwakesh antu akwau. (Ro 14:13-15) Wakasatu, anch muntu waturumbukin, tufanyidin kumulikishin pakad kulab. (Lk 17:3, 4; 23:34) Anch twasal usu nakash mulong wa kumwimburij Yesu mu mitapu yiney, Yehova ukudandamen kuyukish chikumangen nich chisambu ni uumwing.

TAL VIDEO DEVENEZ PLUS BEAUX!, NI KUPWA AKUL KU YIPUL YILONDWILAKU EY:

  • Mutapu ik wiyovay Miki kwinsambishin piur pa chikumangen chend?

  • Yom ik yasala anch yovil yend yiswimpa?

  • Chilakej cha Yesu chamukwasha mutapu ik Miki kurijek chitongijok chend? (Mar 14:38)

  • Mutapu ik ukutwishay Jinswir 19:11 kutukwash kuyiman ambay netu in Kristu mu mutapu uwamp?