Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Mudimu ni Mashakamin ma in Kristu–Mukand wa Chikumangan  |  Ngond wa 8 , 2016

 MASHAKAMIN MA MWIN KRISTU

Tukudishany Ukaliweny Wetu mu Mudimu wa Kulejan—Kuyikwash in Kwilej a Bibil Chakwel Ipana ni Atambula Dibatish

Tukudishany Ukaliweny Wetu mu Mudimu wa Kulejan—Kuyikwash in Kwilej a Bibil Chakwel Ipana ni Atambula Dibatish

MULONG WAK CHIDI CHA USEY: Mulong wa kwikal ni dilau dia Yehova, in kwilej a Bibil afanyidin kwipan kudi ndiy ni kutambul dibatish. (1Pi 3:21) Diking dia muspiritu didiaku mulong wa antu ashicha kukwatijan ni kwipan kwau. (Kus 91:1, 2) Mwin Kristu ukat kwipanang kudi Yehova—kulik kudi muntu, ku mudimu, ap ku ditenchik kanang. Pakwez, in kwilej afanyidin kukudish rukat ni kujikitish mulong wa Nzamb.—Ro 14:7, 8.

MUTAPU WA KUSAL MWAMU:

  • Pa chisu cha dilejan, isambina yom yilondina piur pa Yehova. Mukasikesha kutang Bibil dichuku diawonsu ni kumulembil Yehova ‘chisu chawonsu.’—1Tes 5:17; Jak 4:8

  • Mukasikesha mwin kwilej itekina ntong ja muspiritu mudi kwipan ni kutambul dibatish. Chikwau kand, mukwasha chakwel itekina ntong ja mu machuku makemp mudi kwakul ku yikumangan, ap kupan uman kudi amutej ni antu asadinay nend mudimu. Vurik anch Yehova kakatap kuyishindin antu kumusadin. Kwipan udi mupak wa muntu panrend. —Kuv 30:19, 20

  • Mukasikesha mwin kwilej aswimpa mulong wa kumusangaresh Yehova ni kuwanyish yitinau mulong wa kutambul dibatish. (Jnsw 27:11) Mulong mikadil ni yaku yimwing yikutwish kukasikan kuyilik, chifanyidin kumukwash mwin kwilej wa Bibil chakwel adiosha wuntu ukur ni adjala wuntu usu. (Ef 4:22-24) Muleja mitu ya milong ya Chinong cha Kalam yilondina anch “Bibil Ukat Kuswimp Mwom”

  • Muleja piur pa musangar uwikala nich piumusadidina Yehova. —Is 48:17, 18