Mu Chijil cha Moses ading itin anch ikundj wading ukweta kuswir kwa kujip uruw wading ufanyidin kufund mukand. Chading mulong wa kumukangesh muntu kujip uruw swa swa. Pakwez, pa chirungu cha Yesu, antakel a relijon asala anch kujip uruw kwikala kuswapela. Amakundj ayilikang akajau mulong wa mayingishin kushalijan. (yom ya kwilej yidia mu Mar 10:4, 11, nwtsty) Yesu wavurishana anch Yehova ndiy wasala anch uruw wikalaku. (Marko 10:2-12) Ikundj ni mband afanyina kwikal “mujimbu umwing” mu kubombakan kwa chisu chawonsu. Diyingishin dimwing kusu dia mu Bibil piur pa kujip uruw, dikwatijadina ni rusangu ridia mu Mateu didi ‘masandj.’—Mt 19:9.

Nlel, antu avud amen uruw, kadiap mudi mwaumanay Yesu, pakwez mudi mwaumanangau Afaris. Anch kwashiken milong, antu a mu mangand kakulabangap ni kujip uruw. Pakwez, ambay a uruw in Kristu, akat kukwat machip ma uruw wau nich usey ni akat kusal usu wa kupandakan milong kusutin kusadin mbil ja Bibil. Kupwa kwa kutal video l’amour et le respect unissent les Familles, akul ku yipul yilondwilaku ey:

  • Mutapu ik ukutwisha kusadin Jinswir 15:1 mu uruw wey, ni mulong wak chidi cha usey kusal mwamu?

  • Mutapu ik ukutwisha kwipuk milong kusutin kusadin Jinswir 19:11?

  • Anch uruw wey ukimbin kufa, pa ndond pa kutong anch, ‘Ov, nifanyidin kujip uruw?’ yipul ik ufanyidina kushinshikin?

  • Mutapu ik ukutwisha kwikal ikundj ap mband muwamp kusutin kusadin Mateu 7:12?