MULONG WAK CHIDI CHA USEY: Yehova, Mulej Mujim Nakash, utwinkishin kufumb kupandakena kuwap. Utufundishin mutapu wa kuwapish mwom yetu ni kuturijek mulong wa machuku ma kurutu mapandakena kuwap, tuswirikedinap kufut mulong wa mafundish minam! (Is 11:6-9; 30:20, 21; Kuj 22:17) Kusutil kufumb kwa Nzamb, Yehova ututenchikin mulong wa kupalangesh kudi antu akwau uruu upandishina mwom.​—2Ko 3:5.

MUTAPU WA KUSADIN:

  • Kudish mwikadil wa kwikepish ni kwitudish.​—Kus 25:8, 9

  • Itiy kufumb kukwinkishinay Yehova kusambish kamu katat, chilakej kusutil kwitiy yisend yikwinkishinau ku chikumangan cha mukach mwa rubing

  • Tong piur pa mitapu ukutwisha kumusadin Yehova nakash ni kwat mipak yikutwisha kukukwash kusal mwamu.​—Fl 3:13

  • Sal usu mulong wa kuwanyish yitinau chakwel utambula kufumb kukwau.​—Fl 3:8

TAL VIDEO ULONDINA ANCH MAFUNDISH MA YEHOVA MATWIKADISHA AMPICH MU SPIRITU, NI KUPWA AKUL KU YIPUL YILONDWILAKU EY:

  • Yipwakesh ik yapandakanau in kulejan amwing mulong wa kuya ku Shikol ya in Kulejan a Want?

  • Shikol ya in Kulejan a Want yiletin kufumb ik?

  • Mutapu ik wayikwashau ansand a shikol kudi akadivar nau anambaz a mu chikumangen mu yisend yau?

  • Yom ik yitinau kuwanyish mulong wa kuya ku Shikol ya in Kulejan a Want? (kr paj 189)

  • Kufumb ik kukwau ukutwisha kulondul mu dirijek dia Yehova?

Yiyukish ik ukutambula anch walondul kufumb kwa Nzamb