Chisu ukata kutal chisalamb cha ulombu uwamp, diur dia atutumbu ap mpol ya mem, ov, ukat kuman mudimu ukash wa Sakatang? Yitang yitunyingumukina yimekeshin patok mikadil yakad kumekan ya Yehova. (Ro 1:20) Anch twiman mulong wa kutongijokin pa yom yimena mes metu, tukat kuman usu, rukat, manangu ni kutentam kwa Nzamb, pamwing ni mwikadil wend wa kupan.​—Kus 104:24.

Yitang ik yimwing yatangay Yehova ukata kuman dichuku diawonsu? Ap anch ushich mu musumb ujim, ukutwish kuman atujil ap mitond. Kushinshikin nawamp yitang ya Yehova kukutwish kutukwash kukepish minan, kushinshikin pa yom yidia ya usey ni kukasikesh ritiy retu mu ukaliweny wa Yehova wa kutubangin chikupu. (Mt 6:25-32) Anch ukwet an, yikwasha kuman mikadil yiwamp ya Yehova. Pitudandamedina kujikitish mulong wa yitang yitunyingumukina, tukusej piswimp ni Sakatang wetu.​—Kus 8:3, 4.

TAL VIDEO ULONDINA ANCH LES MERVEILLES DE LA CRÉATION RÉVÈLENT LA GLOIRE DE DIEU : LA LUMIÈRE ET LES COULEURS, NI KUPWA AKUL KU YIPUL YILONDWILAKU EY:

  • Mutapu ik ukata ma pigments kutukwash mulong wa kuman ulombu?

  • Chom ik chikata kusal anch chom chimwing chikala ni ulombu uvud kukwatijan ni mutambu uchitadidinau?

  • Mulong wak tukata kuman ulombu kushalijan mwiur?

  • Ulombu ik uwamp udia mu yitang ukata kuman piswimp ni kwol kwey?

  • Mulong wak tufanyidin kwitekin chisu cha kutal nawamp mangand matangau?

Chitokish ni ulombu yimekeshin yom ik piur pa mikadil ya Yehova?