MULONG WAK CHIDI CHA USEY: Antu avud akata kusanger uruu wa Want akat kukimb uyakin piur pa Nzamb. (Is 55:6) Mulong wa kuyifundish pakemp pakemp, tufanyidin kuyichirikin chisu ni chisu. Antu arishin ni milong kushalijan, chawiy tufanyidin kuswimp mutapu wa kukudish kusanger kwau. Pakwez, tukwikal ni yibudikin yiwamp anch twirijek nawamp ni kwijik yom ik tukumuleja muntu ni muntu tukuchirikina, nich chitongijok cha kusambish dilejan dia Bibil.

MUTAPU WA KUSADIN:

  • Sal usu wa kuyichirikin pakad kulab, nakash kupwa kwa machuku makemp. —Mt 13:19

  • Ambamb nend mudi murund ni mulimisha. Kangal wazazat

  • Mulangwisha nich musangar. Mujimbula pa dijin diend. Muleja yiwezinang—pamwing ap mulong wa kwakul ku chipul, kulet gazet wa katat, kumulej kapend ketu ka web, kumulej video, ap kumulej mutapu usadikining dilejan dia Bibil. Swimp yom ya kulond anch muntu wipul yom piur pa mutu wa mulong ukwau.—Fil 2:4

  • Ichil mem pa mbut ja uyakin jiukunina mu muchim wend kusutin kwambambin yitongijok yidiokila mu Mifund ni pamwing ap kumushil mikand yetu. (1Ko 3:6) Sal usu wa kwikal nend piswimp

  • Shang mazu ma kwisambin piukumuchirikina muntu.