Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Mudimu ni Mashakamin ma in Kristu–Mukand wa Chikumangan  |  Ngond wa 11 , 2016

 MASHAKAMIN MA MWIN KRISTU

Chom ik Chitufundishinay Bibil?—Mutapu wa Kumusadin

Chom ik Chitufundishinay Bibil?—Mutapu wa Kumusadin

Buku Chitufundishinay ni buku Chifundishinay Bibil madi mutapu umwing. Mawonsu maad makwet mafundish malejena uyakin umwing ni mu mutapu umwing. Pakwez Chitufundishinay usadidin mazu maswapela ni movikena. Amusadin mulong wa kuyikwash antu amena anch Chifundishinay Bibil ukasiken kutesh. Pa ndond pa wenjil, Chitufundishinay Bibil ukwet mazu ma kwinsudiel marumburila mazu kanang madia mu buku winou ni mafundish ma pa dishin. Mashapitre makwetap yipul ya kwinsambishin ap mushet wa dichirikin. Pakwez upwil ni mazu ma mu wiswimp marumburil uyakin wa Bibil ulejena mafundish ma pa dishin. Chilik chimwing ni buku Chifundishinay Bibil, buku Chitufundishinay tukutwish kumupan chisu chawonsu ap anch kalejanap anch tukumupan ngond winou. Mutapu ik tukutwisha kusadin buku Chitufundishinay pitutakedina dilejan dia Bibil?

MU WISWIMP: Kudi avud, tukat kutakelang dilejan pa kutang paragraf mu buku Chifundishinay Bibil ni kupwa kwipul chipul mulong wa kovikesh yom nawamp. Pakwez tong bil anch mwin kwilej kijap nawamp dizu ditanginay. Mwamu ukutwish kutond kusadin buku Chitufundishinay. Kupwa ukutwish kusadin mushet wa mu wiswimp mulong wa kwilej ni kumukasikesh mwin kwilej kutang ma verse ma pa dishin. Uyakin ni uyakin wa Bibil tukutwish kuufundish pamwing ap mu aminit 15. Mulong mushet wa mu wiswimp ulondinap yom yawonsu yidia mu shapitre, mulej ufanyidin kwirijek nawamp kamu pa kutongin pa maswir ma mwin kwilej. Anch pilejinau mulej wasadin ma paragraf, mushet wa mu wiswimp akuusadin mu dichirikin.

MAZU MA KWINSUDIEL: Mazu ni yitongijok yidia mu mazu ma kwinsudiel ayitekin mu mutapu uyidia mu shapitre. Mulej ukutwish kutond chisu cha kwisambin pilejinau mazu ma kwinsudiel madia mu buku Chitufundishinay.