Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Mudimu ni Mashakamin ma in Kristu–Mukand wa Chikumangan  |  Ngond wa 10 , 2017

 MASHAKAMIN MA MWIN KRISTU

Shakam Mulong wa Kumutumbish Yehova!

Shakam Mulong wa Kumutumbish Yehova!

Mwom chidi chipan cha usey nakash. Mutapu tusadidina chipan chinech ukat kumekesh mutapu tuchisangaredina. Mulong tudi Atuman a Yehova, tusadin usu wa kusadin manangu metu ni ukaliweny wetu mulong wa kumulimish ni kumutumbish Yehova, mwin Kupan Mwom. (Kus 36:9; Kuj 4:11) Chawiy, yakamish ya dichuku diawonsu ya mu mwom mu mangand minam mayimp yikutwish kusal anch tuteka yisakin ya mu spiritu pa ndond ya kaad. (Mar 4:18, 19) Muntu ni muntu pakach petu ukusal nawamp anch wiyipul anch: ‘Ov, nikat kumwinkish Yehova yom yam yiwamp kwa kwikatin? (Ozey 14:2) Mudimu wam wa ku mujimbu usutinamu mudimu wam mulong wa Yehova? Yisu mipak yam ya mu spiritu? Mutapu ik nikutwisha kujimbish mudimu wam wa kulejan?’ Anch waman anch kudi yom ufanyidina kuswimp, mulembila Yehova mulong akukwash ni sal usu wa kuswimp. Chakin kamu, kumushiman Yehova dichuku diawonsu kukat kutuletin musangar mu mwom!—Kus 61:8.

Ov, ukat kusadin ukaliweny weny mulong wa nany?

TAL VIDEO ULONDINA ANCH EDGARDO FRANCO : SERS-TOI DE TES TALENTS POUR JÉHOVAH, NI KUPWA AKUL KU YIPUL YILONDWILAKU EY:

  • Mulong wak chidiap cha manangu kusadin ukaliweny wey mulong wa mangand ma Satan? (1Yh 2:17)

  • Yiyukish ik yikatau kutambul antu akata kupan yom yau yiwamp nakash kudi Yehova?

  • Mu mitapu ik ya mudimu utumbila nikutwisha kupan ukaliweny ni manangu mam kwa kwikatin?