Chisu chadingay Paul ni mulong, wautwala kwa Kaisar. Kusutin kusadin nawamp wan a ngand wa Rom, watushila chilakej chiwamp nlel. Tal video La reconnaissance légale de notre œuvre au Québec ni tal mutapu wasadinau akadivar wan a ngand wau mulong wa kulondin rusangu ruwamp mu Québec. Kupwa akul ku yipul yilondwilaku ey:

  • Milong ik yarishau nich akadivar netu a mu Québec?

  • Trakt ik wa pakampwil wapanau ni kwading yibudikin ik?

  • Yom ik yamushikena Mukadivar Aimé Boucher?

  • Mupak ik wakwatau ku Dirumburish Dijim dia Canada piur pa mulong wa Mukadivar Boucher?

  • Mutapu ik wakad kusadinangau nakash wasadinau akadivar ni waleta yibudikin ik?

  • Yom ik yashikena kupwa kwa kukangesh yikumangan ya win Kristu kudi ampurij atumau kudi antakel a relijon?