Yang pafundinau anch yidiamu

Yang pafundinau anch sou-meni

Yang pafundinau anch yidiamu

Atuman a Yehova

Uruund

Mudimu ni Mashakamin ma in Kristu–Mukand wa Chikumangan  |  Ngond wa 1 , 2016

 MASHAKAMIN MA MWIN KRISTU

Tukudishany Ukaliweny Wetu mu Mudimu wa Kulejan—Mu Kusha Mazu ma Kwisambin Pitukeza Kumuchirikin Muntu

Tukudishany Ukaliweny Wetu mu Mudimu wa Kulejan—Mu Kusha Mazu ma Kwisambin Pitukeza Kumuchirikin Muntu

MULONG WAK CHIDI CHA USEY:

Tukatining kwichil mem pa mbut ja uyakin tukata kukun. (1Kor 3:6) Anch twatanijan ni muntu umekeshina kusanger, chidi chiwamp kusha chipul cha kwisambin pitukeza kumuchirikin. Chinech chikez kumukwash asangera yom tukeza kwisambin ni kutukwash chakwel twirijeka nawamp mulong wa kumuchirikin. Anch twamuchirikin, tukutwish kumulej anch twez kal mulong wa kwakul ku chipul twashila.

MUTAPU WA KUSADIN:

  • Piwirijekina mulong wa mudimu wa kulejan wa ku chikumbu ni chikumbu, rijek kand chipul chilondwilaku mulong wa kwakul piukeza kumuchirikin muntu. Chifanyidin kwikal chipul chakwilau mu mukand wamushila. Chikutwish kwikal ap chipul chakwilau pakach pa mikand yetu ya kwilej nich, chiukeza kusadil piukeza kumuchirikin.

  • Piukupwisha kwisamb ni muntu wasangera, mwijikisha maswir mey ma kwambamb nend kand ni kupwa muleja chipul chilondwilaku chiwarijekang. Anch chiswapel, mwita adres wend ap nimero wend wa telefon.

  • Anch wamulej anch ukez kumuchirikin pa chisu kanang, ufanyidin kulimish chisu chinicha.—Mat 5:37.