Матфеё 8:1—34
8 Кала о Иисусо змэкляпэ па плай, пала лэстэ жылэ фартэ бут мануша.
2 Каринг лэстэ пашэля ек прокажоно, тэлеля лэсти и ԥэндя: «Ӷосподо, если ту кати закамэса, ту сможэш ман тэ исцэлис*».
3 О Иисусо процырдя о вас, ляпэ каринг лэстэ и ԥэндя: «Камав! Исцэлисав*». И сразу жэ о прокажоно исцэлисайля.
4 О Иисусо ԥэндя лэсти: «Дик, никасти на́ росԥэн пала када, но жа сыкадюв лэ священикости и ан жэртва, пала сави ԥэндя о Моисеё. Тоди и священикоря диқэна, кай ту вилечисайлян».
5 Кала во зажыля андо Капернау́мо, каринг лэстэ пашэля ек баро халавдо* и ля лэс тэ мангэл:
6 «Учителё, мэрно слуӷо пашлёл мандэ цэрэ парализовано, и во фартэ мучийпэ».
7 О Иисусо ԥэндя лэсти: «Мэ авава и исцэлисарава лэс».
8 Тоди о халавдо ԥэндя: «Мэ на ашав, кай ту тэ зажас андэ мэрно цэр, но кати ԥэн алав, и мэрно слуӷо вилечияпэ.
9 Важ кода кай и пэр мандэ исин барэдэр, и мэ барэдэр пэ мэрнэ халавдэ. Мэ ԥэнав еқэсти: „Жа!“ — и во жал, аврэсти: „Ав!“ — и во авэл, приԥэнав мэрнэ рабости: „Стер када!“ — и во терэл».
10 Кала о Иисусо ашундя када, во удивисайля и ԥэндя кодэлэнди, ко жалас пала лэстэ: «Чаче ԥэнав тумэнди: никай андо Израилё мэ на виарақлэм, кай варико кадя дэ састэс тэ патял.
11 Но ԥэнав тумэнди, кай бут мануша авэна анда разни краёря* и бэшэна пала столо лэ Авраамоса, лэ Исаакоса и лэ Иаковоса андо небесно Царство,
12 ай кодэла, кас о Дэл ақардя андэ пэско Царство*, авэна вишутэ андэ тэмнота. Котэ вонэ лэна тэ ровэн и тэ мучинпэ*».
13 Посли када о Иисусо ԥэндя лэ халавдэсти: «Жа. Тэ авэл тутэ лашымос, кай патяс». И сразу жэ о слуӷо вилечисайля.
14 О Иисусо авеля цэрэ кай о Пётро и додиқля, кай лэ Петростири тёща пашлёл андо ҭан и латэ температура.
15 Тоди о Иисусо ляпэ каринг лако вас, и латэ спэля и температура. Вой ущеля и ля тэ гитой важ лэстэ тэ хал.
16 Ай кала поджыля о вечеро, каринг лэстэ андэ́ бутэ манушэн, андэ савэ сас и найвужэ, и во видарадя лэ найвужэн алавэса и исцэлисардя всаворэн, ко сас насвало.
17 Кадя ашэля, сар ԥэндя о пророко о Иса́йя: «Во ля амари дук и андярдя амаро насвалимос».
18 Кала о Иисусо додиқля паша пэстэ бутэ манушэн, во закамля тэ пэрэплывий лэ учениконэнца пэ лодка пэ авэр ла морятири риг.
19 Каринг лэстэ пашэля ек законико и ԥэндя: «Учителё, мэ лава тэ ԥирав пала тутэ, каринг ту тэ на жас».
20 Но о Иисусо ԥэндя лэсти: «Кай и лисицы исин норы и кай и чирикля исин ӷниздоря, ай лэ манушэстирэ Шавэсти най кай тэ притулий о шэро».
21 Тоди ек анда лэстирэ ученикоря ԥэндя: «Учителё*, дэ мэ спэрва жава и притидава мэрнэ дадэс».
22 О Иисусо ԥэндя лэсти: «Ԥир пала мандэ и мэк и мулэ притидэн лэ мулэн».
23 О Иисусо лэ учениконэнца бэшля андэ лодка.
24 Неожыдано пэ моря вазгляпэ бари балвал, и лодка ля тэ замарэл паеса, ай во совэлас.
25 Вонэ жунгадэ лэс и ԥэндэ: «Учителё*, спасысар амэн, тасувас!»
26 Но во ԥэндя лэнди: «Со тумэ кадя пэрэдарайлэ? Васо тумэ парашэлэ тэ патян*?» Во ущеля, уля и балвал и моря, и ашэля фартэ тихо.
27 И ученикоря линэпэ шэрэстар и ԥэнэнас ек еқэсти: «Ко ж кадэва мануш? Дажэ и балвал и моря кандэн лэс!»
28 Кала во авеля пэ авэр береӷо, интя, кай жувэн и гадаря́норя, каринг лэстэ па мулэ вижылэ дуй мануша, андэ савэ сас и найвужэ. Вонэ сас кацавэ опасни и дыки, кай нико дажэ на ԥирэлас кодэлэ дромэса.
29 Вонэ зацыписайлэ: «Со тути амэндар трэбуй, лэ Дэвлэско Шаво? Ту авелян кардэ тэ мучис амэн, пока инке на поджыля и время?»
30 Ай май дур пасынаспэ бут балэ.
31 И найвужэ линэ тэ мангэн лэ Иисусос: «Если видаравэса амэн, тоди бишал амэн андэ балэ».
32 Во ԥэндя лэнди: «Жан!» Вонэ вижылэ анда мануша и зажылэ андэ балэ, и вся о стадо дя па обрыво андэ моря и потасыля.
33 Ай и пастухоря прастае андо форо и росԥэндэ пала вся, ай кадяжэ пала кода, со тердяпэ лэ манушэнца, андэ савэ сас и найвужэ.
34 Тоди вся о форо авеля каринг о Иисусо. Кала вонэ додиқлэ лэс, вонэ линэ тэ мангэн, кай во тэ ужал па лэндирэ краёря.
