Матфеё 1:1—25
1 Кадэя книӷа росԥэнэн пала лэ Иисусостири лэ Христостири* жызня*. Во сас анда лэ Давидоско ери, анда лэ Авраамоско колено*.
2 Кай о Авраа́мо арақаделя о Исаа́ко,кай о Исаа́ко арақаделя о Иа́ково,кай о Иа́ково арақаделя о Иу́да и авэр шавэ,
3 кай о Иу́да ла Фамарятар арақаделя о Фаре́со и о Зера́хо,кай о Фаре́со арақаделя о Хецро́но,кай о Хецро́но арақаделя о Ра́мо,
4 кай о Ра́мо арақаделя о Аминада́во,кай о Аминада́во арақаделя о Нахшо́но,кай о Нахшо́но арақаделя о Салмо́но,
5 кай о Салмо́но ла Рааватар арақаделя о Боа́зо,кай о Боа́зо ла Руфятар арақаделя о Ове́до,кай о Ове́до арақаделя о Иессе́ё,
6 кай о Иессе́ё арақаделя о Давидо, саво ашэля царё.
Кай о Давидо лэ Уриястиря хулаятар арақаделя о Соломоно,
7 кай о Соломоно арақаделя о Ровоа́мо,кай о Ровоа́мо арақаделя о А́вия,кай о А́вия арақаделя о А́са,
8 кай о А́са арақаделя о Иосафа́то,кай о Иосафа́то арақаделя о Иора́мо,кай о Иора́мо арақаделя о У́ззия,
9 кай о У́ззия арақаделя о Иофа́мо,кай о Иофа́мо арақаделя о Аха́зо,кай о Аха́зо арақаделя о Езеки́я,
10 кай о Езеки́я арақаделя о Мана́ссия,кай о Мана́ссия арақаделя о Амо́но,кай о Амо́но арақаделя о Ио́сия.
11 Кай о Ио́сия арақаделя о Иехо́ния и авэр шавэ. Андэ кодэя время и израильтяноря сас залинэ андо Вавило́но.
12 Посли кода сар и израильтяноря сас залинэ андо Вавило́но, кай о Иехо́ния арақаделя о Шеалтиэ́ло,кай о Шеалтиэ́ло арақаделя о Зорова́велё,
13 кай о Зорова́велё арақаделя о Авиу́до,кай о Авиу́до арақаделя о Элиаки́мо,кай о Элиаки́мо арақаделя о Азо́ро,
14 кай о Азо́ро арақаделя о Цадо́ко,кай о Цадо́ко арақаделя о Ахи́мо,кай о Ахи́мо арақаделя о Элиу́до,
15 кай о Элиу́до арақаделя о Элеаза́ро,кай о Элеаза́ро арақаделя о Матфа́но,кай о Матфа́но арақаделя о Иа́ково,
16 кай о Иа́ково арақаделя о Ио́сифо, ла Марияко хулай. Латэ арақаделя о Иисусо, пэ саво ԥэнэн Христос.
17 Ни акэ, лэ Авраамостар жы каринг о Давидо сас 14 коленоря; лэ Давидостар жы каринг кодэя время, сар и израильтяноря сас залинэ андо Вавило́но, — 14 коленоря; и кодэла времятар, сар и израильтяноря сас залинэ андо Вавило́но, жы каринг о Христос — 14 коленоря.
18 Акэ сар арақаделя о Иисусо Христос. Лэстири дэй и Мария сас просватано пала Ио́сифо, но, англа кода сар вонэ тэ жэнинпэ, вой ля тэ аштярэл бэятос через о свынто зор*.
19 Лако хулай о Ио́сифо сас праведно мануш*, во на камля, кай пэр латэ тэ жал лажаимос, и важ када закамля чоралэс ласа тэ розжалпэ*.
20 Но кала во погиндосардя пала када, лэсти андэ сунэстэ сыкаделя лэ Иеговаско* анӷело и ԥэндя: «Ио́сифо, лэ Давидоско шаво, на́ дар тэ жэниспэ пэ Мария*, важ кода кай вой аштярэл бэятос через о свынто зор.
21 Латэ арақадёла шаво, и ту приԥэнэса лэсти Иисусо*, важ кода кай во спасыя пэстирэ народос лэ бэзэхэстар».
22 Вся када тердяпэ, кай тэ ашэл кадя, сар ԥэндя о Иегова через о пророко*:
23 «И щей, сави на сас миростэ, лэла тэ аштярэл бэятос и анэна шавэс, и лэсти приԥэнэна Эммануи́ло», со означает «О Дэл амэнца».
24 Кала о Ио́сифо прошутяпэ, во стердя кадя, сар приԥэндя лэсти лэ Иеговаско анӷело, и жэнисайля пэ Мария*.
25 Но лэндэ нисо на сас*, пока латэ на арақаделя шаво. И во приԥэндя лэсти Иисусо.
Сноски
^ Кадэва алав сыкавэл, кай о Иисусо сас особено или избрано — кодэва, кас о Дэл витидя важ и особо дила.
^ Или «Андэ кадэя книӷа виадинойпэ лэ Иисусоско лэ Христоско колено».
^ Ворта «Во сас лэ Давидоско шаво, лэ Авраамоско шаво».
^ Или «лэ Дэвлэстирэ зорэса».
^ Или «ритярэлас лэ Дэвлэско законо».
^ Или «тэ одмэкэл ла; тэ одбишалэл ла».
^ Када пэрво анда 237 ҭана андэ «Христиански Гречески Писании», кай пистромэ лэ Дэвлэско алав, Иегова. Дик и Тема А5.
^ Ворта «тэ лэс каринг пэстэ цэрэ тиря хулая́ ла Мария».
^ Пэ еврейско шыб Иешу́а. Кадэва алав означает «О Иегова спасый».
^ Ворта «заля ла Мария каринг пэстэ цэрэ».
^ Или «во на совэлас ласа».
