Марко 3:1—35
3 Кала о Иисусо упалэ авеля андэ синагога, котэ сас мануш, савэстэ сас шуко* вас.
2 И фарисеёря внимательно слединас пала Иисусо, исцэлия во кодэлэ манушэс в суботу чи най, важ кода кай камэнас тэ дошалярэн лэс.
3 О Иисусо ԥэндя лэ манушэсти, савэстэ сас шуко вас: «Вижа, тердюв по машкар».
4 Тоди во пушля лэндар: «Со домэкэлпэ тэ терэн в суботу — лашымос или найлашымос? Тэ спасын или тэ умарэн?» Но вонэ ашэнас мулком.
5 Тоди лэсти по ди ашэля фартэ ԥарэс кодэлэстар, кай лэндэ сас кацаво баруно ди, во подиқля пэр лэндэ холяса и ԥэндя кодэлэ манушэсти: «Процырдэ о вас». Кодэва мануш процырдя, и лэско вас вилечисайля.
6 И фарисеёря вижылэ и сразу жэ линэ тэ сԥэндён лэ Иродостирэ манушэнца, кай тэ умарэн лэ Иисусос.
7 Ай о Иисусо лэ учениконэнца жыля каринг и моря, и пала лэстэ жыля фартэ бут миро анда Галиле́я и анда Иуде́я.
8 Дажэ анда Иерусалимо, анда Идуме́я и анда фороря паша Ти́ро и Сидо́но каринг лэстэ авелэ бут мануша, ай кадяжэ авелэ кодэла, ко жувэл пала Иорда́но, важ кода кай всаворэ вонэ ашундэ пала лэстири бут дила.
9 О Иисусо ԥэндя лэ учениконэнди тэ стон паша береӷо найбари лодка, кай о миро фартэ тэ на толпийпэ паша лэстэ.
10 Через кода, кай во исцэлисардя бутэ манушэн, всаворэ, кастэ сас ԥаро насвалимос, толпинаспэ паша лэстэ и старыинаспэ тэ лэнпэ каринг лэстэ.
11 Дажэ и найвужэ, кала диқэнас лэс, пэрэнас англа лэстэ и цыпинас: «Ту — лэ Дэвлэско Шаво!»
12 Но во най еқвар ворта запретияс лэнди тэ ԥэнэн, ко во сыно.
13 О Иисусо вазгляпэ по плай и ақардя каринг пэстэ дэсавэ учениконэн.
14 Во витидя 12 манушэн и ԥэндя пэр лэндэ апосталоря. Вонэ трэбуй сас тэ ԥирэн лэса, и через дэсави время во камэлас тэ бишалэл лэн тэ росԥэнэн важ о Дэл.
15 Кадяжэ во дя лэнди право тэ видаравэн лэ найвужэн.
16 Акэ 12 мануша, савэн витидя о Иисусо: о Си́моно, савэсти во кадяжэ приԥэндя Пётро,
17 о Иа́ково, лэ Зеведеёско шаво, и лэско ԥрал о Иоа́нно (кадэлэ дуенди о Иисусо кадяжэ приԥэндя Воанерге́со, со означает «лэ ӷромостирэ шавэ»),
18 о Андреё, о Фили́ппо, о Варфоломе́ё, о Матфе́ё, о Фома́, о Иа́ково, лэ Алфеёско шаво, о Фадде́ё, о Си́моно Канани́то*
19 и о Иу́да Искарио́то, саво потом придя лэс.
20 О Иисусо зажыля андо цэр, и упалэ стидяпэ кадя бут миро, кай во и лэстирэ ученикоря не моӷли дажэ тэ бэшэн тэ хан.
21 Кала лэстирэ чаче ашундэ пала кода, со терэлпэ, вонэ жылэ тэ залэн лэс, важ кода кай гиндонас, кай во зжыля па годятэ.
22 Ай и законикоря, савэ авелэ анда Иерусалимо, ԥэнэнас: «Андэр лэстэ о Сатана*, и во видаравэл лэ найвужэн лэ найвужэндирэ правителёстирэ зорэса».
23 Тоди о Иисусо подақардя лэн каринг пэстэ и ля тэ призындярэл лэнди примероря: «Сар можэт о Сатана тэ видаравэл лэ Сатанас?
24 Если андо царство и мануша вороӷуин, тоди кадэва царство на уприя.
25 И если андо цэр нинай ладо, тоди кадэва цэр на уприя.
26 Кадяжэ если о Сатана вазгляпэ против корко пэстэ и розделисайля, тоди во на уприя и ӥто лэсти авэла конец.
27 Никастэ на вижала тэ опчорэл лэ зоралэ манушэско цэр, если спэрва на сԥандэла лэс. Кати тоди во сможэт тэ опчорэл лэско цэр.
28 Чаче ԥэнав тумэнди: саво бэзэх тэ на терэн и мануша и сар дэ найпативалэс тэ на дэн дума, вся лэнди простияпэ.
29 Но кодэва, ко найпативалэс дэл дума пала свынто зор, никала на авэла простисардо. Во авэла дошало андэ кадэва бэзэх вся и вечность*».
30 Во ԥэндя кадя, важ кода кай вонэ ԥэнэнас: «Андэр лэстэ о найвужо».
31 Авеля лэ Иисусостири дэй и лэстирэ ԥрала, вонэ терделэ аврял и манглэ тэ ақарэн лэс.
32 Круӷом лэстэ бэшэнас бут мануша, и лэсти ԥэндэ: «Котэ тири дэй и тирэ ԥрала тердён аврял. Вонэ камэн туса тэ подэн дума».
33 Но во пушля: «Ко мэрни дэй и ко мэрнэ ԥрала?»
34 Тоди во подиқля пэ кодэла, ко бэшэлас круӷом лэстэ, и ԥэндя: «Акэ мэрни дэй и мэрнэ ԥрала!
35 Ко терэл кода, со уӷодно лэ Дэвлэсти, кодэва манди и ԥрал, и ԥэй, и дэй».
