Марко 11:1—33
11 Кала о Иисусо лэ учениконэнца пашолас каринг о Иерусалимо, вонэ поджылэ каринг и Виффа́гия и Вифа́ния, савэ по Масли́чно плай, и во ԥэндя дуе учениконэнди:
2 «Жан андо гав, саво англа тумэндэ. Кала зажана андэр лэстэ, тумэ виарақэна приԥанглэ ишачкос, пэ саво инке нико на ездияс*. Отԥандэн лэс и анэн каринг мандэ.
3 Ай если тумэндар пушэна: „Состэ тумэ када терэн?“ — ԥэнэн: „Во трэбуй лэ Ӷосподости, но во ӥто лэс рия“».
4 И ученикоря жылэ и виарақлэ пэ найбари вулица лэ ишачкос, саво сас приԥангло паша лэ цэрэстирэ вудара, и отԥанглэ лэс.
5 Но дэсавэ мануша, савэ котэ тердёнас, пушлэ лэндар: «Со тумэ терэн? Состэ тумэ отԥандэн лэ ишачкос?»
6 И ученикоря ԥэндэ лэнди кадя, сар приԥэндя о Иисусо, и лэн одмэклэ.
7 Вонэ андэ́ лэ ишачкос каринг о Иисусо, шутэ по ишачко пэстири ӥда, и о Иисусо бэшля пэр лэстэ.
8 Бут мануша буӷлярэнас по дром и ӥда, ай авэр росшонас па дром и виточки, савэ сшындэ пэ маля.
9 Кодэла, ко жалас англал и палал, ӷромко ԥэнэнас: «Спасысар лэс, мангас тут! Бахтало* кодэва, ко жал лэ Иеговастирэ* алавэстар!
10 Бахтало* амарэ дадэско лэ Давидоско Царство, саво ӥто авэла! Ту жувэс по небо, и амэ мангас тут, спасысар лэс!»
11 О Иисусо залагля андо Иерусалимо и авеля андо храмо. Во вся котэ обдиқля, но, важ кода кай ужэ поджалас о вечеро, во и 12 апосталоря жылэ андэ Вифа́ния.
12 Пэ авэр дес, кала вонэ вижылэ анда Вифа́ния, о Иисусо пробоқайля.
13 Кала во дурал додиқля и инжырово витка, пэ сави сас листоря, во жыля тэ диқэл, исин пэр латэ о инжыро чи най. Но, кала во поджыля каринг латэ, во нисо на виарақля — пэр латэ сас ек и листоря, важ кода кай инке на авеля и время тэ стидэн о инжыро.
14 Тоди во ԥэндя: «Мэк будэр нико никала на́ хал пар тутэ о инжыро». И лэстирэ ученикоря ашундэ када.
15 Потом вонэ авелэ андо Иерусалимо. О Иисусо зажыля андо храмо и ля тэ видаравэл котар кодэлэн, ко котэ тинэлас и битинэлас. Во пэрэрисардя и столоря кодэлэндирэ, ко парувэлас и ловэ, и пэрэрисардя и скамейки кодэлэндирэ, ко битинэлас лэ ӷолубонэн,
16 и на домэкэлас, кай варисо тэ проандярэн через о храмо.
17 Во сытярэлас лэ мирос и ԥэнэнас: «Хэба най пистромэ: „Пэ мэрно цэр авэла ԥэндо ла молитвако цэр важ всаворэ народоря“? Ай тумэ стердэ андар лэстэ бандицко ҭан!»
18 Кала пала када ашундэ и барэдэр священикоря и законикоря, вонэ линэ тэ гиндон, сар тэ умарэн лэ Иисусос. Вонэ даранас лэстар, важ кода кай вся о народо удивияспэ лэстирэ алавэнди*.
19 Вечером о Иисусо лэ учениконэнца вижыля анда форо.
20 Ай рано тэсара, кала вонэ прожанас мимо инжырово витка, вонэ додиқлэ, кай вой зашутеля жы анда корнё.
21 Лэ Петрости дя по гиндо кода, со тердяпэ арати, и во ԥэндя лэ Иисусости: «Учителё*, дик! И инжырово витка, сави ту дян амрая, зашутеля».
22 Пэ када о Иисусо ԥэндя: «На́ парашэн тэ патян андо Дэл.
23 Чаче ԥэнав тумэнди: если варико ԥэнэна кадэлэ плаести: „Ваздэпэ и хук андэ моря“ — и лэстэ авэла вера, и во лэла тэ допатял, кай ашэла кода, со во ԥэндя, тоди кадя и авэла.
24 Важ када ԥэнав тумэнди: пала со тумэ тэ на ԥэнэн андэ молитва и тэ на мангэн, патян, кай када дэна тумэнди, — и када тумэндэ авэла.
25 И кала тумэ тердён и мангэнпэ, простин аврэнди лэндирэ бэзэха, савэ вонэ стердэ против тумэндэ, кай и тумаро небесно Дад тэ простий тумэнди тумарэ бэзэха».
26 * ——
27 Вонэ упалэ авелэ андо Иерусалимо. Кала о Иисусо ԥирэлас па храмо, каринг лэстэ поджылэ и барэдэр священикоря, и законикоря и барэдэра
28 и пушлэ: «Па саво право ту када терэс? И кастар тутэ кацаво зор?»
29 О Иисусо ԥэндя: «Мэ задава тумэнди ек вопросо. Если тумэ манди ԥэнэна, тоди и мэ ԥэнава, па саво право мэ када терав.
30 Ко дя лэ Иоанности право тэ болэл: о Дэл* чи и мануша? Ԥэнэн манди».
31 Вонэ линэ тэ гиндон и тэ дэн дума машкар пэстэ: «Если ԥэнаса „о Дэл“, во пушэла: „Васо жэ тумэ лэсти на патяе?“
32 Но и тэ ԥэнас „и мануша“ не можэм». Вонэ даранас лэ народостар, важ кода кай всаворэ гиндонас, кай о Иоа́нно сас пророко.
33 И вонэ ԥэндэ лэ Иисусости: «На ӷанас». Тоди о Иисусо ԥэндя лэнди: «И мэ тумэнди на ԥэнава, па саво право мэ када терав».
