Лука 7:1—50
-
О баро халавдо сыкавэл, кай патял (1—10)
-
О Иисусо жундярэл ла ԥивлятирэ шавэс анда Наино (11—17)
-
О Иисусо драго дэл дума пала Иоанно Крестителё (18—30)
-
О Иисусо сындой кодэла времятирэ мирос (31—35)
-
Ла найлащя манушняко бэзэх простийпэ (36—50)
-
Лэ Иисусоско примеро пала дуй мануша, савэ вужылэ (41—43)
-
7 Кала о Иисусо парашэля тэ ԥэнэн кадэла алава лэ народости, во зажыля андо Капернау́мо.
2 Котэ кай ек баро халавдо* сас рабо, саво лэсти сас фартэ куч. Кадэва рабо фартэ занасвайля и ужэ трэбуй сас ӥто тэ мэрэл.
3 Кала о халавдо ашундя пала Иисусо, во бишалдя каринг лэстэ лэ иудейсконэ барэдэрэн, кай вонэ тэ мангэн лэ Иисусос тэ авэл и тэ исцэлий лэ рабос.
4 Вонэ авелэ каринг о Иисусо и линэ фартэ тэ мангэн лэс: «Во ашэл, кай ту тэ стерэс када важ лэстэ,
5 важ кода кай во любий амарэ народос. Када во построисардя амэнди и синагога».
6 О Иисусо жыля лэнца. Но кала во сас ужэ найдур лэ цэрэстар, о халавдо бишалдя пэстирэ друӷонэн тэ ԥэнэн лэсти: «На камав тэ одлав тутар и время. Мэ на ашав, кай ту тэ зажас андэ мэрно цэр.
7 Акэ васо мэ на авелэм каринг тутэ. Но кати ԥэн алав, и мэрно слуӷо вилечияпэ.
8 Важ кода кай и пэр мандэ исин барэдэр, и мэ барэдэр пэ мэрнэ халавдэ. Мэ ԥэнав еқэсти: „Жа!“ — и во жал, аврэсти: „Ав!“ — и во авэл, приԥэнав мэрнэ рабости: „Стер када!“ — и во терэл».
9 Кала о Иисусо ашундя када, во удивисайля, банделя каринг о народо, саво жалас пала лэстэ, и ԥэндя: «Ԥэнав тумэнди, дажэ машкар и израильтяноря мэ на виарақлэм, кай варико кадя дэ састэс тэ патял».
10 И кала и мануша, савэн бишалдя о халавдо, рисайлэ палпалэ, вонэ додиқлэ, кай о рабо ашэля зорало.
11 Ӥто посли када о Иисусо жыля андо форо Наи́но, и лэса жылэ лэстирэ ученикоря и бут мануша.
12 Кала во поджалас каринг лэ форостирэ вороты, анда форо виандярэнас лэ мулэс, еқэ шавэс кай пэстири дэй, сави сас ԥивли. Вместе ласа анда форо жалас бут миро.
13 Кала о Иисусо* додиқля ла, лэсти ашэля ла жалко, и во ԥэндя: «На́ ров».
14 Во поджыля и ляпэ каринг и носилки. Кодэла, ко лэн андярэлас, притерделэ, и во ԥэндя: «Шаворо, ԥэнав тути: ущи!»
15 Кодэва, ко сас муло, бэшля и ля тэ дэл дума. И о Иисусо отдя лэс лэстиря дати.
16 Всаворэ фартэ удивисайлэ и линэ драго тэ дэн дума пала Дэл. Вонэ ԥэнэнас: «Ашунгло пророко акана машкар амэндэ» и «о Дэл на бистэрдя* пала пэско народо».
17 И дума пала лэстэ розжыляпэ па вся кодэва краё и па вся Иуде́я.
18 Лэ Иоанностирэ ученикоря росԥэндэ лэсти пала вся када.
19 Тоди о Иоа́нно бишалдя пэстирэ дуе учениконэн каринг о Иисусо* тэ пушэн: «Ту кодэва, ко трэбуй тэ авэл, или амэнди тэ аштярас аврэс?»
20 Вонэ авелэ каринг о Иисусо и ԥэндэ: «О Иоа́нно Крестителё бишалдя амэн каринг тутэ тэ пушас: „Ту кодэва, ко трэбуй тэ авэл, или амэнди тэ аштярас аврэс?“».
21 Ворта андэ кодэва маменто о Иисусо исцэлисардя бутэ манушэн разнонэ насвалимастар, видарадя лэ найвужэн анда мануша и ԥэрнадя и яқа бутэ корэнди.
22 Во ԥэндя лэнди: «Жан и росԥэнэн лэ Иоанности пала кода, со диқлэ и со ашундэ: и корэ диқэн, и ланганэ ԥирэн, и прокажони исцэлинпэ, и кашукэ ашунэн, и мулэ жундён и лэ чорорэнди росԥэнэнпэ и лащи новость.
23 Бахтало кодэва, ко через мандэ на парашэл тэ патял*».
24 Кала лэ Иоанностирэ ученикоря ужылэ, о Иисусо ля тэ ԥэнэн лэ мирости пала Иоа́нно: «Со тумэ жылэсас тэ диқэн андэ пустыня? И вучи чар, сави* шатыийпэ ла балвалятар?
25 Со тоди тумэ жылэсас тэ диқэн? Лэ манушэс, саво утидо андэ кучутни ӥда? Но кодэла, ко ԥиравэл кучутни ӥда и жувэл барвалэс, находинпэ андэ барэ цэра*.
26 Вижал, со тумэ жылэсас тэ диқэн? Лэ пророкос? Да, ԥэнав тумэнди, во пророко, и пэбутэстэ май баро, чем о пророко.
27 Када пала лэстэ пистромэ: „Мэ бишалава май англал тутар пэстирэ прецтавителёс мэрнэ алавэстар, саво стерэла важ тутэ о дром“.
28 Ԥэнав тумэнди: машкар всаворэ, ко варикала жувэлас, нинай нико май баро, чем о Иоа́нно, но само цыкно андэ лэ Дэвлэско Царство май баро лэстар.
29 (Кала вся о народо, ай кадяжэ и мануша анда налоӷово, савэ болделэ кай о Иоа́нно, ашундэ када, вонэ прижанглэ, кай о Дэл справедливо*.
30 Ай и фарисеёря и законикоря на стердэ кадя, сар сас уӷодно лэ Дэвлэсти*, кала отԥэнделэ тэ болдён лэстэ.)
31 Каса мэ тэ сыстосарав кадэла времятирэ мирос? Пэр кастэ шонпэ кадэла мануша?
32 Вонэ шонпэ пэ бэяцэ, савэ бэшэн по базаро* и ԥэнэн ек еқэсти: „Амэ дилабасас тумэнди пэ флейта, ай тумэ на цэлэнас. Амэ помардювасас бидатар, ай тумэ на ровэнас*“.
33 Авеля о Иоа́нно Крестителё — на хал марно и на пэл вино, ай тумэ ԥэнэн: „Андэр лэстэ о найвужо“.
34 Авеля лэ манушэско Шаво — хал и пэл, ай тумэ ԥэнэн: „Во хавджяло и матимари* и вэдийпэ лэ манушэнца анда налоӷово и лэ бэзэхэстирэ манушэнца!“
35 Но о годявэрнимос дицол пэ дила*».
36 Ек фарисеё ақардя лэ Иисусос вечером каринг пэстэ цэрэ тэ хан. Во авеля андо цэр кай о фарисей и бэшля* пала мисяйля.
37 Андэ кодэва форо жувэлас ек манушни, пала сави ашундёлас, кай вой андярэл найлащи жызня. Кала вой уӷангля, кай о Иисусо хал и пэл андо цэр кай о фарисеё, вой авеля интя и андя ӷипсово* бутылочка, андэ сави сас ароматно вулей.
38 Вся андэ ясвэндэ, вой бэшля пэ чанга паша лэ Иисусостирэ пэрнэ. Латирэ ясва пэрэнас лэсти пэ пэрнэ, и вой виқосэлас лэн пэстирэ балэнца. Вой чумидэлас лэстирэ пэрнэ и шолас пэр лэндэ о вулей.
39 Кала о фарисеё, саво ақардя лэс каринг пэстэ, диқля када, во погиндосардя: «Тэ авелоп во пророко, во ӷанглоп, сави манушни лэлпэ каринг лэстэ, важ кода кай вой андярэл и найлащи жызня*».
40 Но о Иисусо ԥэндя лэсти: «Си́моно, мэ камав тути коесо тэ ԥэнав». Во ԥэндя: «Ԥэн, Учителё».
41 О Иисусо ԥэндя лэсти: «Еқэ манушэсти сас вужылэ дуй мануша. Ек сас вужылэ лэсти 500 дина́рии*, ай авэр — 50 дина́рии.
42 Важ кода кай лэнди сас найсоса тэ потинэн, во анда вся ди простисардя о вужылимос лэнди донди. Ко андар лэндэ, па тирятэ, лэла тэ любий лэс май фартэ?»
43 О Си́моно ԥэндя: «Гиндосарав, кодэва, касти во май бут простисардя». О Иисусо ԥэндя лэсти: «Чаче ту ԥэнэс».
44 Потом во банделя каринг и манушни и ԥэндя лэ Симоности: «Диқэс кадэла манушня? Мэ авелэм андэ тиро цэр, и ту на дян манди паи тэ халавав и пэрнэ. Ай вой лэ ясвэнца вихаладя манди и пэрнэ и виқосля лэн пэстирэ балэнца.
45 Ту на чумидян ман, кала мэ авелэм, ай вой вся кадэя время на парашэл тэ чумидэл мэрнэ пэрнэ.
46 Ту на шутян манди о вулей по шэро, ай вой шутя о ароматно вулей манди пэ пэрнэ.
47 Кочай ԥэнав тути: латирэ бэзэха, хоть лэн и бут, сас простисардэ, важ кода кай* вой сыкадя, кай фартэ любий аврэн. Ай кодэва, касти набут простийпэ, сыкавэл, кай най фартэ любий аврэн».
48 Посли када во ԥэндя лати: «Тиро бэзэх простисардо».
49 Кодэла, ко сас лэса пала мисяйля, линэ тэ ԥэнэн ек еқэсти: «Ко кадэва мануш, кай дажэ и бэзэха простий?»
50 Ай ла манушняти во ԥэндя: «Ту фартэ патяс и када спасысардя тут. Жа Дэвлэса*».
Сноски
^ Ворта «цэнтурионо». Када сас барэдэр по отрядо андэ римско халавдия, андэ саво обычно сас 100 халавдэ.
^ Ворта «Ӷосподо».
^ Или «згиндосардя».
^ Ворта «Ӷосподо».
^ Или «на змардёл; на дэлпэдап».
^ Или «о троснико, саво».
^ Или «дворецоря».
^ Или «андэ вся праведно».
^ Или «ԥэндя о Дэл».
^ Или «пэ базарно площадь».
^ Или «тумэнди на сас ԥарэс».
^ Или «любителё тэ пэл вино».
^ Или «доԥэнэнпэ диласа».
^ Или «припэля».
^ Или «алебастрово».
^ Или «вой бэзэхэстири манушни».
^ Или, можэт, «важ када».
^ Или «Жа лашэ дромэса».
