Лука 3:1—38
3 Андо 15-то бэрш, кала правияс о ӷлавно римско правителё* о Тибе́риё, о По́нтиё Пила́то сас барэдэр пэ область Иуде́я, о И́родо* сас барэдэр пэ область* Галиле́я, лэско ԥрал о Фили́ппо сас барэдэр пэ область Итуре́я и пэ область Трахонити́да, ай о Лиса́ниё сас барэдэр пэ область Авилине́я,
2 и кала жувэлас о Каиа́фа, ай о А́нна сас барэдэр священико, тердяпэ акэ со: лэ Иоанности, лэ Захариястирэ шавэсти, саво сас андэ пустыня, сас пэрэдино о алав лэ Дэвлэстар.
3 И во ля тэ ԥирэл па фороря и гава паша лэн Иорда́но и тэ ԥэнэн лэ манушэнди тэ каинпэ и тэ болдён, кай лэнго бэзэх тэ простийпэ,
4 сар пистросардя о пророко о Иса́йя: «Андэ пустыня ашундёл ӷромко ӷолосо: „Стерэн о дром важ о Иегова*! Вировнин важ лэстэ и дрома.
5 Зашон ԥувьяса всаворэ барэ ямы, зындярэн всаворэ плая и буӷроря, стерэн, кай и бангэ дрома тэ авэн ровни, ай и вэрыти — тэ авэн лашэ.
6 И всаворэ мануша диқэна кодэлэс, через кастэ о Дэл спасыя лэ мирос“».
7 Кала каринг о Иоа́нно авэлас тэ болдёл фартэ бут миро, во ԥэнэнас лэсти: «Лэ сапэндирэ* бэяцэ, ко ԥэндя тумэнди, кай тумэ можэте тэ фэринпэ лэ сындостар?
8 Сыкавэн диласа, кай каинпэ. И на́ успокоин пэс кацавэ алавэнца: „Амаро дад — о Авраамо“. Ԥэнав тумэнди, кай о Дэл можэт тэ стерэл бэятонэн важ о Авраамо анда кадэла бара.
9 Акэ, паша ла виткако корнё ужэ пашлёл о товэр. Если пэ витка на барёл нисо лашо, ла сшынэна и сԥабарэна».
10 О миро пушэлас лэстар: «Со жэ амэнди тэ терас?»
11 Во ԥэнэнас: «Кодэлэстэ, кастэ исин запасно ӥда*, мэк поделийпэ кодэлэса, касти найсо тэ лэл пэр пэстэ, и кодэва, кастэ исин тэ хал, мэк терэл кадя жэ».
12 И мануша анда налоӷово тожэ авелэ тэ болдён и пушлэ лэстар: «Учителё, ай амэнди со тэ терас?»
13 Во ԥэндя лэнди: «На́ лэн лэ манушэндар май бут, чем трэбуй».
14 И халавдэ пушэнас лэстар: «Ай амэнди со тэ терас?» Во ԥэндя лэнди: «Ни пэр кастэ на́ тасавэн*, никас хохаимаса на́ дошалярэн и авэн лошалэ кодэлэсти, со тумэнди дэн важ тумари дила».
15 О народо аштярэлас, кай тэ авэл о Христос*, и всаворэ, кала диқэнас по Иоа́нно, гиндонас: «Можэт, када во Христос?»
16 О Иоа́нно ԥэнэнас лэнди: «Мэ болав тумэн паеса. Но жал кодэва, ко май зорало мандар, и мэ на ашав дажэ тэ росԥандав и пряшки пэ лэстирэ сандали. Во лэла тэ болэл тумэн свынтонэ зорэса и ягаса.
17 Лэстэ андо вас лэ зэрностири лопата*, кай тэ вужарэл и площадка важ о зэрно* и тэ стидэл и пшэница андо складо. Ай и шэлуха* во сԥабарэла андэ вечно яг*».
18 О Иоа́нно инке бутэсти сытярэлас лэ мирос и росԥэнэнас лэнди и лащи новость.
19 Кадяжэ во лажаварэлас лэ барэдэрэс пэ область лэ Иродос важ кода, кай о И́родо жэнисайля пэ Иродиа́да, пэ пэстирэ ԥралэстири хулаи, и важ вся лэстири найлащи дила.
20 Кочай о И́родо стодя лэ Иоаннос андо баруно и кадя стердя инке ек вэрыто дила.
21 Кала болделя вся о народо, болделя и о Иисусо. Кала во мангэласпэ, ԥэрнаделя о небо
22 и пэр лэстэ змэкляпэ о свынто зор, саво дицэля сар ӷолубо. И упрал* ашунделя ӷолосо: «Ту — мэрно любимо Шаво. Ту уӷодно манди».
23 О Иисусо ля тэ терэл пэстири дила, кала лэсти сас варикай 30 бэрш. Во, сар виадинонас, саслэ Иосифоско шаво,саво лэ Илиёско шаво,
24 саво лэ Матфатоско шаво,саво лэ Левиёско шаво,саво лэ Мелхиёско шаво,саво лэ Ианнаёско шаво,саво лэ Иосифоско шаво,
25 саво лэ Маттафиёско шаво,саво лэ Амососко шаво,саво лэ Наумоско шаво,саво лэ Еслиёско шаво,саво лэ Наггеёско шаво,
26 саво лэ Маафоско шаво,саво лэ Маттафиёско шаво,саво лэ Семеиноско шаво,саво лэ Иосихоско шаво,саво лэ Иодаско шаво,
27 саво лэ Иоананоско шаво,саво лэ Рисаёско шаво,саво лэ Зоровавелёско шаво,саво лэ Шеалтиэлоско шаво,саво лэ Нириёско шаво,
28 саво лэ Мелхиёско шаво,саво лэ Аддиёско шаво,саво лэ Косамоско шаво,саво лэ Элмадамоско шаво,саво лэ Ироско шаво,
29 саво лэ Иисусоско шаво,саво лэ Элиэзероско шаво,саво лэ Иоримоско шаво,саво лэ Матфатоско шаво,саво лэ Левиёско шаво,
30 саво лэ Симеоноско шаво,саво лэ Иудаско шаво,саво лэ Иосифоско шаво,саво лэ Ионамоско шаво,саво лэ Элиакимоско шаво,
31 саво лэ Мелеаёско шаво,саво лэ Меннаёско шаво,саво лэ Маттафаёско шаво,саво лэ Нафаноско шаво,саво лэ Давидоско шаво,
32 саво лэ Иессеёско шаво,саво лэ Оведоско шаво,саво лэ Боазоско шаво,саво лэ Салмоноско шаво,саво лэ Нахшоноско шаво,
33 саво лэ Аминадавоско шаво,саво лэ Арниёско шаво,саво лэ Хецроноско шаво,саво лэ Фаресоско шаво,саво лэ Иудаско шаво,
34 саво лэ Иаковоско шаво,саво лэ Исаакоско шаво,саво лэ Авраамоско шаво,саво лэ Фарраско шаво,саво лэ Нахороско шаво,
35 саво лэ Серугоско шаво,саво лэ Реуско шаво,саво лэ Фалекоско шаво,саво лэ Эвероско шаво,саво лэ Шелахоско шаво,
36 саво лэ Каинаноско шаво,саво лэ Арфаксадоско шаво,саво лэ Симоско шаво,саво лэ Ноёско шаво,саво лэ Ламехоско шаво,
37 саво лэ Мафусалоско шаво,саво лэ Енохоско шаво,саво лэ Яредоско шаво,саво лэ Малелеилоско шаво,саво лэ Каинаноско шаво,
38 саво лэ Енососко шаво,саво лэ Сифоско шаво,саво лэ Адамоско шаво,саво лэ Дэвлэско шаво.
