Zha mai angle

Zha kai e lista

Marturia le Jehovaske

Alosar e shib Romanes Kalderash

 SICHARIMOS 5

Kon ashunde le Devles kana andias o baro brishin?

Kon ashunde le Devles kana andias o baro brishin?

Le manush ande vriama katar o Noe kerenas prame desia bi lashe (Genesis 6:5)

O Adan ai e Eva sas len shave ai ande tsirha vriama sas but zhene pe phuv. Atunchi uni angeluria kerde sar o Beng ai geletar pa o drom le Devlesko.

Von fuliste pa o cheri ai suako anda lende kerde peske iek stato masesko ke kamenas te ansurinpe le zhuvliantsa. Sas len shave bi lashe ai mai zurale katar le kolaver manush.

E phuv pherdili katar le manush bi lashe. E Vorba le Devleski phenel ke “o bi lashimos le manushesko pherelas e phuv” ai suako gies le manush gindinaspe te keren so sas zhungalo.

 O Noe pakiaias o mui le Devlesko ai kerdias e arka (Genesis 6:13, 14, 18, 19, 22)

O Noe sas iek lasho manush. O Jehova phendias leske ke sas te anel iek baro brishin te mundarel le manushen bi lashe.

Phendias leske te kerel iek arka kashteski sar iek baro pampuri (parajodo). Kotse trobulas te thol sa peska familia ai suako fialo animaluria.

O Noe phendias le manushenge ke sas te avel iek baro brishin ai chi ashunde les. But joliaile ai aver asaie lestar.

Kana sas gata e arka, o Noe thodias le animaluria andre.